దేశానికి కొత్త వెలుగు

ఇంతింతయి అస్తిత్వ నినాదమంతయి ఆపై ఆత్మ గౌరవమంతయి స్వరాష్ట్ర స్వప్నమంతయి స్వాప్నికుడై సాధకుడై

ఇంతింతయి
అస్తిత్వ నినాదమంతయి
ఆపై ఆత్మ గౌరవమంతయి
స్వరాష్ట్ర స్వప్నమంతయి
స్వాప్నికుడై సాధకుడై

కరువు నేల మీద
అనతికాలంలో తరగని జలదృశ్యమై
విస్తరించిన ఎడారి ఎద మీద
మొలచిన దట్టమైన అటవీ సంపదై

పగలూ రాత్రీ ఆరని
నిరంతర విద్యుత్‌ తేజమై
తెగని రైతుబంధమై
దేశానికి ధాన్యగార వాగ్దానమై
దేశమే దేహమై

వెలుగు ప్రస్థానాలకు దారులు తీసే
పటిమ తగ్గని పోరాట యోధుడై
సకల సామాజిక రోగాలకు
చికిత్సా సంకల్ప ధన్వంతరై

అనితర సాధ్య వచో విలాసంతో
దేశం దృష్టిని ఆకర్షిస్తున్న
మన మట్టి మనిషి జన్మదినం ఈ రోజు
జాతి చరిత్రకు అద్దనుంది కొత్త వెలుగు!

– కోట్ల వెంకటేశ్వర రెడ్డి
99402 33261