అమ్మ ప్రశంసించింది

‘నటుడిగా రజనీకాంత్‌ నాకు స్ఫూర్తి. ఆయన తరహాలోనే మల్టీప్లెక్స్‌ నుంచి సింగిల్‌స్క్రీన్‌ వరకు అన్ని వర్గాల ప్రేక్షకులను మెప్పించే సినిమాలు చేయాలనుంది’ అని అన్నారు ఆకాష్‌పూరి. ఆయన హీరోగా నటించిన ‘రొమాంటిక్‌’ చిత్రం ఇటీవల ప్రేక్షకుల ముందుకొచ్చింది. అనిల్‌ పాదూరి దర్శకుడు. పూరి జగన్నాథ్‌, ఛార్మి నిర్మించారు. సోమవారం ఈ చిత్ర సక్సెస్‌ సెలబ్రేషన్స్‌ వేడుకను నిర్వహించారు. ఈ సందర్భంగా ఆకాష్‌పూరి మాట్లాడుతూ ‘ఈ సినిమా చూసి బాగా నటించానని మా అమ్మ ప్రశంసించింది. ైక్లెమాక్స్‌ చూసి కన్నీళ్లు పెట్టుకుంది. అంతలా కథతో కనెక్ట్‌ అయ్యింది. నాన్న మాదిరిగా పెద్ద విజయాల్ని నేను అందుకోవాలంటే సమయం పడుతుంది. ఆ స్థాయికి చేరుకోవడం కోసం ఎంతటి కష్టమైనా పడతా’ అని తెలిపారు. మంచి సినిమా ద్వారా తనను దర్శకుడిగా పరిచయం చేసిన పూరి జగన్నాథ్‌, ఛార్మిలకు జీవితాంతం రుణపడి ఉంటానని అనిల్‌ పాదూరి అన్నారు. ఈ సినిమా ప్రయాణంలోని ప్రతి రోజును తాను ఎంజాయ్‌ చేశానని సంగీత దర్శకుడు సునీల్‌ కశ్యప్‌ పేర్కొన్నారు. ఈ కార్యక్రమంలో భాస్కరబట్ల పాల్గొన్నారు.