Dia Mirza: దియా మీర్జా దివాళీ వీడియో డిలీట్ చేసిన బీఎంసీ

Dia Mirza: దివాళీ ప‌టాకుల గురించి బృహ‌న్‌ముంబై మున్సిప‌ల్ కార్పొరేష‌న్ త‌న సోష‌ల్ మీడియా అకౌంట్‌లో పోస్టు చేసిన న‌టి దియా మీర్జా వీడియోను డిలీట్ చేసింది. ఆ వీడియోపై బీజేపీ అభ్యంత‌రం వ్య‌క్తం చేయ‌డంతో బీఎంసీ ఆ చ‌ర్య‌కు పాల్ప‌డింది.

ముంబై: దివాళీ ప‌టాకుల గురించి బృహ‌న్‌ముంబై మున్సిప‌ల్ కార్పొరేష‌న్ త‌న సోష‌ల్ మీడియా అకౌంట్‌లో పోస్టు చేసిన న‌టి దియా మీర్జా(Dia Mirza) వీడియోను డిలీట్ చేసింది. ఆ వీడియోపై బీజేపీ అభ్యంత‌రం వ్య‌క్తం చేయ‌డంతో బీఎంసీ ఆ చ‌ర్య‌కు పాల్ప‌డింది. కాలుష్య ర‌హిత దివాళీ చేసుకోవాల‌ని వీడియోలో న‌టి దియా మీర్జా కోరింది. అయితే ముంబై బీజేపీ చీఫ్ అమీత్ స‌త్నం ఆ వీడియోపై అభ్యంత‌రం వ్య‌క్తం చేశారు. దీంతో రాజ‌కీయ వివాదం రేగింది. భారీగా బాణాసంచా కాల్చ‌వ‌ద్దు అని, ప‌ర్యావ‌ర‌ణహితంగా దీపావ‌ళిని సెల‌బ్రేట్ చేసుకోవాల‌ని ఇటీవ‌ల ముంబై హైకోర్టు త‌న ఆదేశాల్లో పేర్కొన్న‌ది. కాలుష్య నియంత్ర‌ణ కోసం హై కోర్టు ఆ ఆదేశాలు ఇచ్చింది. అయితే దాని ఆధారంగా న‌టి దియా మీర్జాతో బీఎంసీ ఓ వీడియోను తీసి త‌న ఎక్స్ అకౌంట్‌లో పోస్టు చేసింది. మ‌రో వైపు మాధురి దీక్షిత్‌, క్రికెట‌ర్ ర‌హానే, న‌టుడు నిశిగంధ వాడ్ మాత్రం ఆన్‌లైన్‌లో త‌మ ప్ర‌చారం కొన‌సాగిస్తున్నారు.