e-Paper

Advertisement

E-Paper

Apps

Book Your Copy

Visit Telangana Today

Monday, January 17, 2022
Home News కంగారూ కేర్‌ | శిశువును తల్లి ఎక్కువ సేపు ఎత్తుకుంటే ఎన్నో లాభాలున్నాయి.. ఏంటో తెలుసా?

కంగారూ కేర్‌ | శిశువును తల్లి ఎక్కువ సేపు ఎత్తుకుంటే ఎన్నో లాభాలున్నాయి.. ఏంటో తెలుసా?

తల్లి కంగారూ తన బిడ్డను శరీరానికి హత్తుకున్నట్టే, తల్లి కూడా తన శిశువును ఎక్కువ సేపు ఎత్తుకుంటే ఎన్నో లాభాలు. ముఖ్యంగా బిడ్డ శరీర ఉష్ణోగ్రత పెరుగుతుంది.

దీన్నే ‘కంగారూ కేర్‌’ అంటారు. కంగారూ అనే జంతువు తన శిశువును కడుపు వద్ద ఉన్న సంచిలో సురక్షితంగా ఉంచి పెంచే పద్ధతిని స్ఫూర్తిగా తీసుకుని ఈ టెక్నిక్‌ను కనుగొన్నారు. తక్కువ ఖర్చుతో, బరువు తక్కువ శిశువులను రక్షించడానికి ఇదొక విప్లవాత్మకమైన విధానం. శ్వాస సరిగ్గా తీసుకుంటూ ఆరోగ్యం నిలకడగా ఉన్న 1,500-1,800 గ్రాముల బరువున్న శిశువులకు ఇది బాగా ఉపకరిస్తుంది. నర్సరీలోని శిశువులకు కూడా మధ్యమధ్యలో ఈ పద్ధతిని ఉపయోగించవచ్చు. అయితే, ఈ విధానంలో తల్లికి చర్మ సంబంధమైన అంటువ్యాధులు ఉండకూడదు. రోజూ స్నానం చేస్తూ వ్యక్తిగత పరిశుభ్రత విషయంలో జాగ్రత్తలు పాటించాలి.

- Advertisement -

తల్లీ పిల్లలిద్దరికీ ముందు నుంచి విప్పే వెసులుబాటు ఉన్న గౌన్లు వేయాలి. శిశువు చేతులకు, కాళ్లకు మిటెన్స్‌, సాక్స్‌, డైపర్‌ తొడగాలి.శిశువును నిలువుగా తల్లి రెండు స్థనాల మధ్య ఉంచాలి. బిడ్డ ముక్కు మూసుకుని పోకుండా తల ఒకవైపునకు తిప్పాలి. కాళ్లు, చేతులు మడిచి కప్పలా ఉంచి, జారిపోకుండా తల్లికి శిశువుకు కలిపి ఒక బైండర్‌ కట్టొచ్చు. వీపుపై ఉన్ని శాలువా ఉంచాలి. శిశువు బరువు 2,500 గ్రాములకు పెరిగే వరకు ఈ పద్ధతిని పాటించొచ్చు. శిశువుకు బాగా చెమట పట్టినప్పుడు, బిడ్డ అసహనంగా ఉన్నప్పుడు ‘కంగారూ కేర్‌’ ఆపేయాలి.

లాభాలు: శిశువు తీవ్రమైన చలికి గురికాకుండా నివారించడానికి ఈ పద్ధతి ఉపయోగపడుతుంది. త్వరగా బరువు పెరగడానికి కూడా దోహదపడుతుంది. మాతాశిశు అనుబంధం వృద్ధి చెందడం వల్ల ఏడుపు తగ్గించి, హాయిగా నిద్రపోతారు. దీనివల్ల తల్లిలో పాల ఉత్పత్తీ పెరుగుతుంది.

డాక్టర్‌ కర్రా రమేశ్‌రెడ్డి
పిల్లల వైద్య నిపుణులు

Advertisement

Most Viewed

-Advertisement-

తాజావార్తలు

Advertisement

ట్రెండింగ్‌

Advertisement