ఆయన ఎత్తు మూడు అడుగులు. అడుగడుగునా అవమానాలు.. నువ్వు పొట్టోడివి.. నీకు కారు నడపడం చేతనవుతుందా.. నువ్వు తినడానికి తప్పితే ఎందుకూ పనికిరావంటూ బంధుమిత్రులు, సన్నిహితులు, చుట్టుపక్కల వారి వెక్కిరింపులు..భార్య పిల్లలతో బయటకు వెళ్తే టీజింగ్లు.. వీటన్నింటినీ ఓర్చుకుని ఇప్పుడు అందరూ ముక్కుపై వేలేసుకునేలా చేశాడు. ఆత్మవిశ్వాసంతో ముందడుగువేసి దేశంలోనే ఫోర్వీలర్ డ్రైవింగ్ లైసెన్స్ పొందిన తొలి మరుగుజ్జుగా గిన్నిస్బుక్లోకెక్కాడు.. ఇదంతా ఒక్కరోజులోనే సాధ్యంకాలేదు. దీనికోసం పడరాని పాట్లు పడ్డాడు. అయినా మొక్కవోని ధైర్యంతో ముందడుగేశాడు జగిత్యాల జిల్లాకు చెందిన గట్టిపల్లి శివలాల్.. ఆయన విజయగాథను ఆయన నోటే విందాం పదండి..