హిమంత భయపడ్డారు!

అస్సాంలో కాక్రోచ్‌ జనతా పార్టీ(సీజేపీ) తన తొలి ప్రాంతీయ వలంటీర్ల సమావేశాన్ని నిర్వహించడానికి ప్రయత్నించిన వేళ పోలీసులు ఆ సంస్థ సహ-సమన్వయకర్త అశుతోశ్‌ రాంకాతో పాటు పలువురు నాయకులను, కార్యకర్తలను ఆదివారం అరెస్ట్‌ చేశారు. గువాహటిలో తనను పోలీసులు అరెస్ట్‌ చేయడంపై రాంకా స్పందిస్తూ సీఎం హిమంత సీజేపీకి, రాష్ట్ర ప్రజలకు భయపడ్డారన్నారు.

• తమ సమావేశాన్ని అడ్డుకోవడంపై సీజేపీ ఆగ్రహం

గువాహటి: అస్సాంలో కాక్రోచ్‌ జనతా పార్టీ(సీజేపీ) తన తొలి ప్రాంతీయ వలంటీర్ల సమావేశాన్ని నిర్వహించడానికి ప్రయత్నించిన వేళ పోలీసులు ఆ సంస్థ సహ-సమన్వయకర్త అశుతోశ్‌ రాంకాతో పాటు పలువురు నాయకులను, కార్యకర్తలను ఆదివారం అరెస్ట్‌ చేశారు. గువాహటిలో తనను పోలీసులు అరెస్ట్‌ చేయడంపై రాంకా స్పందిస్తూ సీఎం హిమంత సీజేపీకి, రాష్ట్ర ప్రజలకు భయపడ్డారన్నారు.

అస్సాంలో స్కూళ్ల పరిస్థితిని బహిర్గతం చేయాలనుకున్నందుకే అరెస్ట్‌ చేసి బెదిరిస్తున్నారని రాంకా తన అరెస్ట్‌ అనంతరం ఒక వీడియోలో పేర్కొన్నారు. తమ సంస్థ సభ్యులను గుర్తు తెలియని ప్రదేశానికి పోలీసులు తరలించారని అభిజీత్‌ దీప్కే వెల్లడించారు. అశుతోశ్‌ను విడుదల చేయకపోతే ఇతర సీజేపీ సభ్యులతో కలిసి తాను అస్సాం వెళతానని అభిజీత్‌ దీప్కే వెల్లడించారు.