వెల్లింగ్టన్: మహిళల వన్డే ప్రపంచకప్లో ఆడిన మూడు మ్యాచ్ల్లోనూ విజయాలు సాధించిన ఆస్ట్రేలియా జట్టు.. పాయింట్ల పట్టికలో అగ్రస్థానానికి దూసుకెళ్లింది. ఆదివారం న్యూజిలాండ్తో జరిగిన లీగ్ మ్యాచ్లో ఆరుసార్లు చాంపియన్ ఆస్ట్రేలియా 141 పరుగుల తేడాతో ఘనవిజయం సాధించింది. మొదట బ్యాటింగ్ చేసిన ఆసీస్ నిర్ణీత 50 ఓవర్లలో 8 వికెట్లకు 269 పరుగులు చేసింది. పెర్రీ (68), తహిలా (57) అర్ధశతకాలు సాధించగా.. ఆష్లే గార్డ్నర్ (18 బంతుల్లో 48 నాటౌట్; 4 ఫోర్లు, 4 సిక్సర్లు) ఆకాశమే హద్దుగా చెలరేగింది. అనంతరం లక్ష్యఛేదనలో న్యూజిలాండ్ 30.2 ఓవర్లలో 128 పరుగులకు ఆలౌటైంది. సాటర్వైట్ (44) టాప్స్కోరర్ కాగా.. ఆసీస్ బౌలర్లలో బ్రౌన్ (3/22), గార్డ్నర్ (2/15), అమండా (2/34) రాణించారు.