‘తన మాటే దైవ శాసనమని శత్రువుకు సవాల్ విసురుతున్న అఖండ కథేమిటో తెలియాలంటే మా సినిమా చూడాల్సిందే’ అంటున్నారు బోయపాటి శ్రీను. ఆయన దర్శకత్వం వహిస్తున్న చిత్రం ‘అఖండ’. బాలకృష్ణ, ప్రగ్యాజైస్వాల్ జంటగా నటిస్తున్నారు. ద్వారకా క్రియేషన్స్ పతాకంపై మిర్యాల రవీందర్రెడ్డి నిర్మిస్తున్నారు. డిసెంబర్ 2న ఈ చిత్రం విడుదలకానుంది. సెన్సార్ పూర్తయింది. ‘యు.ఎ’ సర్టిఫికెట్ లభించినట్లు చిత్రబృందం పేర్కొన్నది. నిర్మాత మాట్లాడుతూ ‘మాస్ యాక్షన్ హంగులతో తెరకెక్కుతున్న చిత్రమిది. అఘోరాగా బాలకృష్ణ గెటప్, నటన ఆకట్టుకుంటాయి. ద్వితీయార్థంలో ఆయన నట విశ్వరూపాన్ని చూస్తారు. విలన్గా శ్రీకాంత్ పాత్ర పవర్ఫుల్గా ఉంటుంది. ఇటీవల విడుదలైన ట్రైలర్కు చక్కటి స్పందన లభిస్తున్నది. సెన్సార్ సభ్యులు సినిమా చూసి ప్రశంసించడం ఆనందంగా ఉంది’ అని తెలిపారు. జగపతిబాబు కీలక పాత్రలో నటిస్తున్న ఈ చిత్రానికి తమన్ సంగీతాన్ని అందిస్తున్నారు.