Yogi Adityanath | నేను రెడీ, అఖిలేష్ రెడీనా.. యూపీ సీఎం యోగీ అదిత్య‌నాథ్‌ ప్ర‌తి స‌వాల్‌

Yogi Adityanath | ద‌మ్ముంటే ఉత్తరప్రదేశ్‌ (Uttarpradesh) అసెంబ్లీ ఎన్నికల్లో అయోధ్య నుంచి పోటీ చేయాలన్న సమాజ్‌వాదీ పార్టీ అధినేత (SP chief) అఖిలేశ్‌ యాదవ్‌ (Akhilesh Yadav) సవాల్‌ను  యూపీ ముఖ్యమంత్రి యోగి ఆదిత్యనాథ్‌ (Yogi Adityanath) స్వీకరించారు. అఖిలేశ్ యాద‌వ్‌ కూడా అయోధ్య నుంచి బరిలోకి దిగి త‌న‌పై గెలువాల‌ని ప్రతి సవాల్‌ విసిరారు.

Yogi Adityanath : ద‌మ్ముంటే ఉత్తరప్రదేశ్‌ (Uttarpradesh) అసెంబ్లీ ఎన్నికల్లో అయోధ్య నుంచి పోటీ చేయాలన్న సమాజ్‌వాదీ పార్టీ అధినేత (SP chief) అఖిలేశ్‌ యాదవ్‌ (Akhilesh Yadav) సవాల్‌ను  యూపీ ముఖ్యమంత్రి యోగి ఆదిత్యనాథ్‌ (Yogi Adityanath) స్వీకరించారు. అఖిలేశ్ యాద‌వ్‌ కూడా అయోధ్య నుంచి బరిలోకి దిగి త‌న‌పై గెలువాల‌ని ప్రతి సవాల్‌ విసిరారు. ఇద్దరి మధ్య నేరుగా పోటీ జరగాలని కండిష‌న్ పెట్టారు. అందుకు అఖిలేష్ రెడీ అయితే తానూ రెడీ అని చెప్పారు.

శనివారం బలరాంపూర్‌లో అభివృద్ధి పనుల ప్రారంభోత్సవంలో పాల్గొన్న యోగి ఈ వ్యాఖ్యలు చేశారు. సమాజ్‌వాదీ పార్టీకి కుటుంబం గురించి తప్ప మరో ఆలోచన లేదని ఎద్దేవాచేశారు. ఇటీవల ఉత్తరప్రదేశ్‌ నుంచి రాజ్యసభకు జరిగిన ఎన్నికల్లో ఆ పార్టీ ఇద్దరు అభ్యర్థులను బరిలోకి దింపిందని చెప్పారు. వారిలో అఖిలేశ్‌ బాబాయి రామ్‌ గోపాల్‌ యాదవ్‌ ఒకరని, మరో సీటును పారిశ్రామికవేత్త ధన్‌రాజ్‌ పరిమల్‌ నత్వానీకి కేటాయించారని విమర్శించారు.

వెనుకబడిన వర్గాలు, దళితులు, బ్రాహ్మణులు సహా ఇతర వర్గాలకు అవకాశం ఇవ్వలేదని ఆరోపించారు. సమాజ్‌వాదీ పార్టీ చెప్పే ‘పీడీఏ’ కు కుటుంబ అభివృద్ధి సంస్థ, రాష్ట్రాన్ని ముంచే కూటమి అని కొత్త అర్థాలు చెబుతూ యోగి విమర్శలు గుప్పించారు. గతంలో సమాజ్‌వాదీ పార్టీ పాలనలో యువతకు ఉద్యోగాలు రాలేదని, రైతులు ఇబ్బందులు పడ్డారని ఆరోపించారు. అయోధ్యలో గతంలో రోజుకు మూడు, నాలుగు గంటలే విద్యుత్‌ సరఫరా ఉండేదని, పారిశుద్ధ్య సమస్యలు తీవ్రంగా ఉండేవని యోగి అన్నారు.

ఇప్పుడు నగరం రామరాజ్యానికి ఉదాహరణగా నిలుస్తోందని యోగీ చెప్పారు. రాబోయే అసెంబ్లీ ఎన్నికల్లో 80 శాతం సీట్లు ఎన్డీయే గెలుస్తుందని యోగి ధీమా వ్యక్తంచేశారు. మిగిలిన సీట్లు ఇతర పార్టీలకు వెళ్లినా బలరాంపూర్‌ అభివృద్ధి ఆగదని చెప్పారు. ప్రధాన ఎన్నికల కమిషనర్‌ జ్ఞానేశ్‌ కుమార్‌పై జరుగుతున్న నిరసనలను ప్రస్తావిస్తూ.. కాంగ్రెస్‌, దాని మిత్రపక్షాలు హద్దులు దాటి వ్యవహరిస్తున్నాయని ఆరోపించారు.