‘సర్’కు ఆదేశించిందెవరు?
ఓటరు జాబితాల ప్రత్యేక సమగ్ర సమీక్ష (సర్)పై విచారణ సందర్భంగా భారత ఎన్నికల సంఘం (ఈసీఐ)ని అధికారికంగా ప్రశ్నించేందుకు అనుమతివ్వాలని ప్రతిపక్ష ఇండియా కూటమి సోమవారం సుప్రీంకోర్టును ఆశ్రయించింది.
- సీఈసీ, ఎన్నికల కమిషనర్లను ప్రశ్నించేందుకు అనుమతివ్వండి
- 48 ప్రశ్నలతో సుప్రీంకోర్టులో ఇండియా కూటమి పిటిషన్
న్యూఢిల్లీ, నవంబర్ 16 : ఓటరు జాబితాల ప్రత్యేక సమగ్ర సమీక్ష (సర్)పై విచారణ సందర్భంగా భారత ఎన్నికల సంఘం (ఈసీఐ)ని అధికారికంగా ప్రశ్నించేందుకు అనుమతివ్వాలని ప్రతిపక్ష ఇండియా కూటమి సోమవారం సుప్రీంకోర్టును ఆశ్రయించింది.తాము కోరుతున్న సమాచారం, పత్రాలు ఎన్నికల సంఘం వద్దే ఉన్నాయని, సంఘం చేస్తున్న వాదనలను నిర్ధారించడానికే ప్రశ్నలు అడుగుతున్నామని, ఆధారాల్లేకుండా విస్తృతంగా విచారించేందుకు కాదని తెలిపింది.
ప్రధాన ఎన్నికల కమిషనర్ జ్ఞానేశ్ కుమార్, ఎన్నికల కమిషనర్లు సుఖ్బీర్ సింగ్ సంధు, వివేక్ జోషి, ఉప ఎన్నికల కమిషనర్ భాను ప్రకాశ్ యెతురుతోపాటు ఇతర అధికారుల నుంచి సమాధానాలు కోరుతూ ఇండియా కూటమి పిటిషనర్లు సుప్రీంకోర్టుకు 48 ప్రశ్నలు సమర్పించారు.
‘ప్రత్యేక నిర్ణయాలను కమిషన్ ఒక సంస్థగా తీసుకుందా? ఎప్పుడు, ఏ విధానంలో తీసుకుంది? కమిషన్ పేరుతో చేపట్టిన చర్యలకు ఎవరు అనుమతిచ్చారు? ఈసీనెట్ను ఎలా రూపొందించారు, మార్చారు, నిర్వహించారు? ప్రతివాదుల ద్వారానే తప్ప ఈ వాస్తవాలు తెలుసుకునే మార్గం పిటిషనర్లకు లేదు’ అని ఈ చర్య అవసరాన్ని వివరిస్తూ పిటిషన్లో పేర్కొన్నారు.
దేశవ్యాప్తంగా సర్ చేపట్టాలన్న నిర్ణయంపై పలు ప్రశ్నలను పిటిషనర్లు సంధించారు. ఓటరు జాబితా డేటాబేస్లకు ఎవరికెంత లభ్యత ఉన్నది, ఓటర్ల పేర్ల చేర్పులు, తొలగింపులకు సంబంధించిన తనిఖీ నమోదులు, ఫారం-6లో మార్పులు, పశ్చిమ బెంగాల్లో న్యాయ అధికారుల ఉత్తర్వులపై దాఖలైన అప్పీళ్లు, సవరణ సమయంలో తొలగించిన ఓటర్ల సంఖ్యపై వివరాలు ఇవ్వాలని కోరారు.
కమిషన్లో భిన్నాభిప్రాయాలు ఉన్నాయన్న ఆరోపణపై పిటిషనర్లు ప్రశ్నించారు. . ఓటరు జాబితా నమోదులో జరిగే ప్రతి మార్పు వినియోగదారుడి ఖాతా, తేదీ, సమయం, సంబంధిత ఓటరు నమోదు అధికారి ఉత్తర్వుతో నమోదు అవుతున్నదా అనే వివరాలను ఈసీనెట్ తనిఖీ నమోదుల నుంచి ఇవ్వాలని ప్రశ్నల్లో కోరారు.
శ్చిమ బెంగాల్లో న్యాయ అధికారులు పేర్లను చేర్చాలని ఇచ్చిన ఉత్తర్వులపై దాఖలైన అప్పీళ్ల వివరాలు కోరారు. ఎన్నికల సంఘం, సర్ ప్రక్రియను సవాలు చేస్తూ ఇండియా కూటమి కొనసాగిస్తున్న విస్తృత న్యాయపోరాటంలో ఈ దరఖాస్తు భాగం.
కూటమి పిటిషన్లను సుప్రీంకోర్టు విచారించనుంది. అక్టోబర్ 27న జరిగిన గత విచారణలో ప్రధాన న్యాయమూర్తి సూర్యకాంత్ నేతృత్వంలోని ముగ్గురు న్యాయమూర్తుల ధర్మాసనం ఈసీఐ కౌంటర్ అఫిడవిట్కు సమాధానం ఇవ్వడానికి పిటిషనర్లకు 10 రోజులు గడువు ఇచ్చింది.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

