CBI searches | ఆర్జీ కర్ మెడికల్‌ కాలేజీలో అవినీతిపై కేసు.. కోల్‌కతాలోని 15 ప్రాంతాల్లో సీబీఐ సోదాలు

CBI searches | పశ్చిమబెంగాల్‌ (West Bengal) రాజధాని కోల్‌కతా (Kolkata) లోని ఆర్జీ కర్‌ మెడికల్‌ కాలేజీ (RG Kar Medical College) లో ట్రెయినీ డాక్టర్‌ (Trainee doctor) పై హత్యాచారం ఘటన దేశవ్యాప్తంగా కలకలం రేపిన సంగతి తెలిసిందే.

CBI searches : పశ్చిమబెంగాల్‌ (West Bengal) రాజధాని కోల్‌కతా (Kolkata) లోని ఆర్జీ కర్‌ మెడికల్‌ కాలేజీ (RG Kar Medical College) లో ట్రెయినీ డాక్టర్‌ (Trainee doctor) పై హత్యాచారం ఘటన దేశవ్యాప్తంగా కలకలం రేపిన సంగతి తెలిసిందే. ఈ ఘటనకు సంబంధించి శరవేగంగా దర్యాప్తు కొనసాగుతోంది. కేసు దర్యాప్తు చేస్తున్న సీబీఐ అధికారులు.. ఇప్పటికే నిందితుడిని అరెస్ట్‌ చేసి విచారిస్తున్నారు. రెండు రోజుల క్రితమే నిందితుడిని కోల్‌కతాలోని ట్రయల్‌ కోర్టులో హాజరుపర్చగా.. కోర్టు అతనికి 14 రోజుల జ్యుడీషియల్‌ కస్టడీ విధించింది.

అయితే ఇదే కాలేజీలో జరుగుతున్న అవినీతి అంశం బయటికి రావడంతో శనివారం సీబీఐ అధికారులు మరో కేసు నమోదు చేశారు. అవినీతి కేసు విచారణలో భాగంగా సీబీఐ అధికారులు ఇవాళ ఉదయం నుంచి ఆర్జీ కర్‌ మెడికల్‌ కాలేజీ, ఆ కాలేజీ మాజీ ప్రిన్సిపల్‌ సందీప్‌ ఘోష్‌, అతని బంధువులకు సంబంధించిన 15 ప్రాంతాల్లో సోదాలు నిర్వహిస్తున్నారు.