Fire accident | కార్ల షోరూమ్‌లో అగ్ని ప్రమాదం.. మంటలార్పుతున్న ఫైర్‌ సిబ్బంది.. Video

Fire accident | హ్యుందాయ్‌ కార్ల షోరూమ్‌లో శనివారం ఉదయం భారీ అగ్ని ప్రమాదం (Fire accident) సంభవించింది. షోరూమ్‌ నుంచి ఒక్కసారిగా మంటలు ఎగిసిపడ్డాయి. ప్రమాదాన్ని గమనించిన స్థానికులు వెంటనే పోలీసులకు, అగ్నిమాపక సిబ్బందికి సమాచారం ఇచ్చారు.

రెవారీ: హ్యుందాయ్‌ కార్ల షోరూమ్‌లో శనివారం ఉదయం భారీ అగ్ని ప్రమాదం (Fire accident) సంభవించింది. షోరూమ్‌ నుంచి ఒక్కసారిగా మంటలు ఎగిసిపడ్డాయి. ప్రమాదాన్ని గమనించిన స్థానికులు వెంటనే పోలీసులకు, అగ్నిమాపక సిబ్బందికి సమాచారం ఇచ్చారు. వారు హుటాహుటిన ఘటనా ప్రాంతానికి చేరుకుని మంటలను ఆర్పుతున్నారు. నాలుగు ఫైరింజన్‌ల సాయంతో మంటలను ఆర్పే ప్రయత్నం చేస్తున్నారు. హర్యానా రాష్ట్రంలోని రెవారీ పట్టణంలో ఢిల్లీ రహదారిలోగల హ్యుందాయ్‌ కార్ల షోరూమ్‌లో ఈ ప్రమాదం చోటుచేసుకుంది.

కాగా, ఈ అగ్నిప్రమాదంలో ఎలాంటి ప్రాణ నష్టం జరగలేదని పోలీసులు తెలిపారు. అయితే, షోరూమ్‌లోని కార్లు పూర్తిగా దగ్ధమయ్యాయని చెప్పారు. ప్రమాదానికిగల కచ్చితమైన కారణాలు తెలియరాలేదని, విద్యుత్‌ షార్ట్‌ సర్క్యూటే కారణమై ఉంటుందని భావిస్తున్నామని పోలీసులు వెల్లడించారు. ఘటనపై కేసు నమోదు చేసి దర్యాప్తు చేస్తున్నామన్నారు.

#WATCH | Rewari, Haryana: Fire breaks out at a car showroom located on Delhi Road. Four fire tenders and police are on the spot. Several cars burnt due to the fire. The cause of the fire remains unknown. Further details awaited pic.twitter.com/sWoFXvCDtp

— ANI (@ANI) September 9, 2023