Visit:
శ్రీనగర్: సాధారణ సోషల్ మీడియా ప్లాట్ఫారాలపై నిఘా నుంచి తప్పించుకుంటూ, జమ్ముకశ్మీర్లోని రిక్రూట్లతో సంభాషించడానికి ఉగ్రవాద సంస్థలు, పాకిస్తాన్కు చెందిన హ్యాండ్లర్లు లైవ్ చాట్ సదుపాయం కలిగిన పోర్నోగ్రఫీ వెబ్సైట్లు, ప్రత్యేక ఎన్క్రిప్టెడ్ అప్లికేషన్లను ఉపయోగిస్తున్నారని భద్రతా అధికారులు తెలిపారు. కొన్ని పోర్నోగ్రఫీ వెబ్సైట్లు సమీపంలోని వ్యక్తులను లేదా డేటింగ్ కోసం వ్యక్తులను కనుగొనేందుకు రియల్టైమ్ చాట్ ఫీచర్లను అందిస్తున్నాయి.
రిక్రూట్లలో మాట్లాడటానికి, వారికి ఆదేశాలు జారీ చేయడానికి, కార్యకలాపాలను సమన్వయం చేయడానికి ఉగ్రవాద హ్యాండ్లర్లు ఈ సదుపాయాలను వాడుతున్నారు. ఎన్క్రిప్టెడ్ రిలే నెట్వర్క్ల ద్వారా డేటా ట్రాఫిక్ను మళ్లించి, వినియోగదారులను గుర్తించడాన్ని కష్టతరం చేసే కొన్ని ‘కోటెక్స్’, కొనియన్ వంటి టోర్ ఆధారిత మెసేజింగ్ యాప్లను భద్రతా సంస్థలు క్షుణ్ణంగా పరిశీలిస్తున్నాయి. భారతదేశంలో కొన్ని ఏపీకే ఫైల్స్ యాక్సెస్ను ఇప్పటికే నియంత్రించారు.
