Gitanjali Angmo | ‘ఆయ‌న‌ను ప్రైవేటు ఆస్ప‌త్రికి తీసుకెళ్తాం’.. ఢిల్లీ హైకోర్టుకు వాంగ్‌చుక్ సతీమ‌ణి గీతాంజ‌లి

Gitanjali Angmo | పర్యావరణ ఉద్యమకారుడు సోనమ్‌ వాంగ్‌చుక్ (Sonam Wangchuk) భార్య గీతాంజలి ఆంగ్మో (Geetanjali Angmo) దిల్లీ హైకోర్టు (Delhi High Court)ను ఆశ్రయించారు. తన భర్తను వెంటనే ప్రైవేటు ఆసుపత్రికి తరలించేందుకు అనుమతి ఇవ్వాలని కోరారు. సఫ్దర్‌జంగ్‌ ఆసుపత్రిలో ఆయనను అక్రమంగా నిర్బంధించారని పిటిషన్‌లో ఆరోపించారు.

Gitanjali Angmo : పర్యావరణ ఉద్యమకారుడు సోనమ్‌ వాంగ్‌చుక్ (Sonam Wangchuk) భార్య గీతాంజలి ఆంగ్మో (Geetanjali Angmo) దిల్లీ హైకోర్టు (Delhi High Court)ను ఆశ్రయించారు. తన భర్తను వెంటనే ప్రైవేటు ఆసుపత్రికి తరలించేందుకు అనుమతి ఇవ్వాలని కోరారు. సఫ్దర్‌జంగ్‌ ఆసుపత్రిలో ఆయనను అక్రమంగా నిర్బంధించారని పిటిషన్‌లో ఆరోపించారు. ఆయనకు చికిత్స అందించిన వ్యక్తిగత వైద్యులు, న్యాయవాదులను కలిసే అవకాశం కల్పించాలని కోరారు.

కేంద్ర విద్యాశాఖ మంత్రి ధ‌ర్మేంద్ర ప్ర‌ధాన్ రాజీనామా చేయాల‌న్న డిమాండ్‌తో నిరాహార దీక్ష చేస్తున్న వాంగ్‌చుక్‌ను పోలీసులు శ‌నివారం సఫ్దర్‌జంగ్ ఆసుపత్రికి తరలించారు. ఆయన ఆసుపత్రిలోనే దీక్ష కొనసాగిస్తున్నారని ఆంగ్మో తెలిపారు. చికిత్స విషయంలో ఆసుపత్రి పారదర్శకంగా వ్యవహరించడం లేదన్నారు. సదరు ఆసుపత్రిపై తమకు నమ్మకం పోయిందన్నారు. డిశ్చార్జ్ చేయాలని, ప్రైవేట్ ఆసుపత్రికి తరలించాలని కోరినా అధికారులు నిరాకరించారని ఆవేదన వ్యక్తంచేశారు. అక్కడ తనపై ఆంక్షలు విధించారని చెప్పారు. వంద మందికి పైగా పోలీసులు ఆసుపత్రిలో మోహరించారని, వాంగ్‌చుక్ ఉన్న అంతస్తులోనే 30 మంది సిబ్బంది ఉన్నట్లు తెలిపారు.