రెండు నెలల్లో గర్భాశయ క్యాన్సర్‌కు స్వదేశీ టీకా

దేశంలోని మహిళలను వేధిస్తున్న గర్భాశయ క్యాన్సర్‌ చికిత్సకు స్వదేశీ సాంకేతికతతో అభివృద్ధి చేసిన వ్యాక్సిన్‌ త్వరలో అందుబాటులోకి రానున్నది. ‘సెర్వావాక్‌'గా (క్యూహెచ్‌పీవీ) పిలుస్తున్న ఈ టీకాను ప్రఖ్యాత వ్యాక్సిన్‌ ఉత్పత్తిదారు సీరమ్‌ ఇన్‌స్టిట్యూట్‌ మార్కెట్‌లోకి తీసుకురానున్నది

ఒక్కో వయల్‌ ఖరీదు రూ. 2,640

న్యూఢిల్లీ, జూలై 15: దేశంలోని మహిళలను వేధిస్తున్న గర్భాశయ క్యాన్సర్‌ చికిత్సకు స్వదేశీ సాంకేతికతతో అభివృద్ధి చేసిన వ్యాక్సిన్‌ త్వరలో అందుబాటులోకి రానున్నది. ‘సెర్వావాక్‌’గా (క్యూహెచ్‌పీవీ) పిలుస్తున్న ఈ టీకాను ప్రఖ్యాత వ్యాక్సిన్‌ ఉత్పత్తిదారు సీరమ్‌ ఇన్‌స్టిట్యూట్‌ మార్కెట్‌లోకి తీసుకురానున్నది.

వచ్చే సెప్టెంబర్‌ లేదా నవంబర్‌ నాటికి ఈ టీకా అందుబాటులోకి రానున్నట్టు అంచనా వేస్తున్నారు. క్యూహెచ్‌పీవీ టీకా కోసం ప్రస్తుతం రూ. 5 వేల నుంచి రూ. 8 వేల వరకూ ఖర్చు చేయాల్సి వస్తుందని, త్వరలో అందుబాటులోకి రానున్న తమ వ్యాక్సిన్‌ ఒక్కో వయల్‌ను రూ. 2,640కే విక్రయించనున్నట్టు సీరమ్‌ ఒక ప్రకటనలో తెలిపింది. రెండు లేదా మూడు డోసులుగా ఈ టీకాను తీసుకోవాల్సి ఉంటుందని, పూర్తి వివరాలు త్వరలో వెల్లడిస్తామని తెలిపింది.