Watch: బార్‌లో మద్యం నిరాకరణ.. రైఫిల్‌తో డీజేను కాల్చి చంపిన వ్యక్తి

DJ Shot Dead | బార్‌లో మద్యం నిరాకరించడంపై కొందరు వ్యక్తులు అక్కడున్న డీజేతో ఘర్షణకు దిగారు. ఈ నేపథ్యంలో ఒక వ్యక్తి చాలా దగ్గర నుంచి డీజేపై కాల్పులు జరిపి హత్య చేశాడు. ఆ బార్‌లోని సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్‌ అయ్యింది.

రాంచీ: బార్‌లో మద్యం నిరాకరించడంపై కొందరు వ్యక్తులు అక్కడున్న డీజేతో ఘర్షణకు దిగారు. ఈ నేపథ్యంలో ఒక వ్యక్తి చాలా దగ్గర నుంచి డీజేపై కాల్పులు జరిపి హత్య చేశాడు. (DJ Shot Dead) ఆ బార్‌లోని సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్‌ అయ్యింది. జార్ఖండ్ రాజధాని రాంచీలో ఈ సంఘటన జరిగింది. ఆదివారం అర్ధరాత్రి దాటిన తర్వాత క్లోజ్‌ చేసిన బార్‌లోకి ఐదుగురు వ్యక్తులు ప్రవేశించారు. తమకు మద్యం కావాలని డిమాండ్‌ చేశారు. అక్కడి సిబ్బంది నిరాకరించడంతో తీవ్ర వాగ్వాదం జరిగింది.

కాగా, ఆ గుంపులోని ఒక వ్యక్తి బయటకు వెళ్లాడు. టీ షర్ట్‌ తీసి ముఖానికి ముసుగులా కట్టుకున్నాడు. కేవలం షార్ట్‌తో బార్‌లోకి ప్రవేశించాడు. చేతిలో ఉన్న రైఫిల్‌తో పాయింట్ బ్లాంక్ రేంజ్‌లో డీజే సందీప్‌పై కాల్పులు జరిపాడు. అనంతరం ఐదుగురు వ్యక్తులు అక్కడి నుంచి పారిపోయారు.

మరోవైపు తీవ్రంగా గాయపడిన డీజే సందీప్‌ను రిమ్స్‌ ఆసుపత్రికి తరలించగా అప్పటికే అతడు మరణించినట్లు డాక్టర్లు తెలిపారు. ఈ సమాచారం తెలుసుకున్న పోలీసులు ఆ బార్‌ వద్దకు చేరుకున్నారు. ఈ సంఘటనపై కేసు నమోదు చేసి దర్యాప్తు చేస్తున్నారు. నిందితులను గుర్తించేందుకు అక్కడి సీసీటీవీ ఫుటేజ్‌ను పరిశీలించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

रांची के एक्सट्रीम बार में डीजे सैंडी को गोली मारने का वीडियो, रात में 1:00 बजे के बाद गोली मारी गई है जबकि बार बंद करने का टाइम 11:00 है ऐसे में पुलिस का ढीला रवैया प्रश्न चिन्ह खड़ा करता है रांची में बहुत से बाहर दो-तीन बजे रात तक चलते हैं#xtremebarranchi #brekingnews #ranchi pic.twitter.com/p61Nu2KrvI

— Prem Shankar (@prem_sanmarg) May 27, 2024