OTT | కేంద్రం నుంచి సొంత ఓటీటీ ప్లాట్‌ఫాం.. తొలి రెండేండ్లు ఫ్రీ?

నెట్‌ఫ్లిక్స్‌, అమెజాన్‌ ప్రైమ్‌, హాట్‌స్టార్‌ వంటి ఓటీటీ ప్లాట్‌ఫాంలలో ప్రసారమవుతున్న కంటెంట్‌పై సర్వత్రా ఆందోళన వ్యక్తమవుతున్న వేళ కేంద్రం కీలక విషయం వెల్లడించింది. ఓ క్లీన్‌ ఓటీటీ ప్లాట్‌ఫాంను వినియోగదారుల ముందుకు తీసుకొస్తున్నది.

OTT | న్యూఢిల్లీ, మే 13: నెట్‌ఫ్లిక్స్‌, అమెజాన్‌ ప్రైమ్‌, హాట్‌స్టార్‌ వంటి ఓటీటీ ప్లాట్‌ఫాంలలో ప్రసారమవుతున్న కంటెంట్‌పై సర్వత్రా ఆందోళన వ్యక్తమవుతున్న వేళ కేంద్రం కీలక విషయం వెల్లడించింది. ఓ క్లీన్‌ ఓటీటీ ప్లాట్‌ఫాంను వినియోగదారుల ముందుకు తీసుకొస్తున్నది. ప్రసారభారతి ఆధ్వర్యంలో పనిచేసే ఈ ప్లాట్‌ఫాంలోని కంటెంట్‌ ప్రధానంగా భారతీయ సమాజం, సంస్కృతీ సంప్రదాయాలను లక్ష్యంగా చేసుకుని ఉంటుంది.

ప్రైవేటు ఓటీటీ ప్లాట్‌ఫామ్‌లైన నెట్‌ఫ్లిక్స్‌, హాట్‌స్టార్‌ వంటివాటికి పోటీగా దీనిని తీర్చిదిద్దడంతోపాటు తొలి ఒకటి రెండు సంవత్సరాలు ఉచితంగా సేవలు అందించి, ఆ తర్వాత ధరలు నిర్ణయించనున్నట్టు పేరు వెల్లడించని అధికారి ఒకరు తెలిపారు. ఇందులో ప్రసారం చేసే కంటెంట్‌ విలువలతో కూడినదిగా ఉంటుందని, కుటుంబం మొత్తం కలిసి వీక్షించవచ్చని వివరించారు. ఎంటర్‌టైన్మెంట్‌తోపాటు కరెంట్‌ అఫైర్స్‌ను కూడా ఇందులో కవర్‌ చేయనున్నట్టు చెప్పారు.