Narendra Modi | నోయిడాలోని జెవార్ ఎయిర్‌పోర్టుకు నరేంద్ర మోదీ పేరు.. ప్రకటించిన యూపీ సీఎం యోగి

Narendra Modi : ఉత్తర ప్రదేశ్, నోయిడాలోని జెవార్ ఇంటర్నేషనల్ ఎయిర్‌పోర్టుకు ప్రధాని నరేంద్ర మోదీ పేరు పెట్టనున్నారు. ఈ విషయాన్ని యూపీ సీఎం యోగి ఆదిత్యనాథ్ ప్రకటించారు.

Narendra Modi : ఉత్తర ప్రదేశ్, నోయిడాలోని జెవార్ ఇంటర్నేషనల్ ఎయిర్‌పోర్టుకు ప్రధాని నరేంద్ర మోదీ పేరు పెట్టనున్నారు. ఈ విషయాన్ని యూపీ సీఎం యోగి ఆదిత్యనాథ్ ప్రకటించారు. యూపీ రాజధాని లక్నోలో శుక్రవారం ఉన్నతస్థాయి క్యాబినెట్ సమావేశం జరిగింది. ఈ సమావేశంలో ఎయిర్‌పోర్టుకు ప్రధాని మోదీ పేరు పెట్టాలని నిర్ణయం తీసుకున్నారు.

గుజరాత్ సీఎంగా, ప్రధానిగా మోదీ ఇటీవలే 25 ఏళ్లు పూర్తి చేసుకున్న సంగతి తెలిసిందే. ఈ సందర్భంగా మోదీ గౌరవార్థం ఈ నిర్ణయం తీసుకున్నట్లు సీఎం యోగి చెప్పారు. ఈ సందర్భంగా ప్రజా సేవలో వరుసగా 25 ఏళ్లు పూర్తి చేసుకున్న మోదీకి యోగి శుభాకాంక్షలు తెలిపారు. మోదీ నాయకత్వంలో ఇండియా ప్రపంచవ్యాప్తంగా కొత్త గుర్తింపును పొందిందన్నారు. అలాగే, మానవతా విలువల్ని కాపాడారని ప్రశంసించారు. ఇదే సమయంలో మోదీ నాయకత్వంలో యూపీ వారసత్వపరంగా, అభివృద్ధి పరంగా కొత్త శకంలోకి అడుగుపెట్టిందన్నారు.

మోదీకి, ఉత్తర ప్రదేశ్‌కు ఉన్న అనుబంధం ప్రత్యేకమైందని గుర్తు చేశారు. రాష్ట్రానికి, కేంద్రానికి మధ్య టీమిండియా స్పిరిట్ నడుస్తోందన్నారు. డబుల్ ఇంజిన్ ప్రభుత్వంలో సమన్వయంతో పని చేస్తుందన్నారు. యూపీ మంత్రుల బృందం ప్రధానికి ఎప్పుడూ కృతజ్ఞతతో ఉంటుందని వివరించారు. 2017లో యూపీలో బీజేపీ అధికారంలోకి రాకముందు పరిపాలనలో అసమర్ధత కనిపించేందన్నారు. రాష్ట్రంఓ కనీస వసతులు కూడా ఉండేవి కావని గుర్తు చేశారు. కానీ, మోదీ ప్రభుత్వ పాలన, పనితీరును స్ఫూర్తిగా తీసుకుని ఇక్కడ ప్రభుత్వ పాలనను అమలు చేస్తున్నట్లు యోగి చెప్పారు.