Submarine Info leak : జలాంతర్గామి రహస్య సమాచారం లీక్‌, నేవీ కమాండర్‌ అరెస్ట్‌

Submarine Info leak : లాంతర్గామి రహస్య సమాచారాన్ని లీక్ చేశారన్న అభియోగాలు ఎదుర్కొంటున్న నౌకాదళం కమాండర్‌ను ముంబై పోలీసులు అదుపులోకి తీసుకున్నారు. ఆయనతోపాటు మరో ఇద్దరు...

October 26, 2021 / 09:45 PM IST

Submarine Info leak : జలాంతర్గామి రహస్య సమాచారం లీక్‌, నేవీ కమాండర్‌ అరెస్ట్‌

ముంబై : (Submarine Info leak) జలాంతర్గామి రహస్య సమాచారాన్ని లీక్ చేశారన్న అభియోగాలు ఎదుర్కొంటున్న నౌకాదళం కమాండర్‌ను ముంబై పోలీసులు అదుపులోకి తీసుకున్నారు. ఆయనతోపాటు మరో ఇద్దరు రిటైర్డ్ అధికారులను కూడా అరెస్టు చేశారు. ముంబైలో ఇండియన్ నేవీకి చెందిన కిలో క్లాస్ సబ్‌మెరైన్ల రహస్య సమాచారాన్ని లీక్ చేసినట్లు వీరిపై ఆరోపణలు ఉన్నాయి. ఈ కేసులో మరిన్ని అరెస్టులు జరిగే అవకాశాలు ఉన్నాయి. అయితే, ఇందులో ఏదైనా విదేశీ గూఢచార సంస్థ ప్రమేయం ఉందా? అనేది ఇంకా తెలియరాలేదు.

నేవీ వర్గాల సమాచారం ప్రకారం, విచారణలో వైస్ అడ్మిరల్, రియర్ అడ్మిరల్ పాల్గొంటున్నారు. ముంబైకి చెందిన సర్వీస్ అధికారి రహస్య సమాచారాన్ని పంచుకున్నట్లు ఆరోపించారు. కిలో క్లాస్‌ సబ్‌మెరైన్లను సోవియట్ యూనియన్.. సోవియట్ నౌకాదళం కోసం నిర్మించింది. ఇది ప్రపంచంలోని అత్యంత ప్రజాదరణ పొందిన సాంప్రదాయ జలాంతర్గాముల్లో ఒకటి. భారతదేశంలో ఈ జలాంతర్గాములు సింధు ఘోష్ వర్గం క్రింద ఉంచారు. ఇలాంటి 10 జలాంతర్గాములను ప్రభుత్వం కొనుగోలు చేసి ఆధునీకరించింది. భారత నౌకాదళం వద్ద ప్రస్తుతం 15 సాంప్రదాయ జలాంతర్గాములు, రెండు అణు జలాంతర్గాములు ఉన్నాయి.