క్యాంపస్‌లో లైంగిక వేధింపులు.. ఏడుగురిపై టీసీఎస్‌ వేటు

టీసీఎస్‌ నాసిక్‌ క్యాంపస్‌లో ఉద్యోగులపై లైంగిక వేధింపులు, మతమార్పిళ్ల వ్యవహారం సంచలనంగా మారింది. హెచ్‌ఆర్‌ మేనేజర్‌ సహా ఏడుగురు ఉద్యోగులను పోలీసులు అరెస్ట్‌ చేశారు. దీనిపై టీసీఎస్‌ స్పందిస్తూ.. అరెస్ట్‌ అయిన ఉద్యోగులను సస్పెండ్‌ చేస్తున్నట్టు ప్రకటించింది.

నాసిక్‌ : టీసీఎస్‌ నాసిక్‌ క్యాంపస్‌లో ఉద్యోగులపై లైంగిక వేధింపులు, మతమార్పిళ్ల వ్యవహారం సంచలనంగా మారింది. హెచ్‌ఆర్‌ మేనేజర్‌ సహా ఏడుగురు ఉద్యోగులను పోలీసులు అరెస్ట్‌ చేశారు. దీనిపై టీసీఎస్‌ స్పందిస్తూ.. అరెస్ట్‌ అయిన ఉద్యోగులను సస్పెండ్‌ చేస్తున్నట్టు ప్రకటించింది. పనిప్రదేశంలో వేధింపులను సహించబోమని తెలిపింది. పెండ్లి పేరుతో తనను మోసం చేశాడని నాసిక్‌ క్యాంపస్‌లోని ఓ ఉద్యోగిని సహ ఉద్యోగిపై ఫిర్యాదు చేశారు.

తర్వాత మరో ఏడుగురు మహిళలు కూడా తమపై వేధింపుల గురించి పోలీసులకు ఫిర్యాదుచేశారు. ఈ క్రమంలో పోలీసులు అండర్‌ కవర్‌ ఆపరేషన్‌ నిర్వహించారు. ఏడుగురు మహిళా పోలీసులు మారువేషంలో టీసీఎస్‌ క్యాంపస్‌లోకి ప్రవేశించారు. మహిళా ఉద్యోగి పట్ల అసభ్యంగా ప్రవర్తిస్తున్న ఓ ఉద్యోగిని రెడ్‌హ్యాండెడ్‌గా పట్టుకున్నారు. మిగిలిన నిందితులపై వచ్చిన ఆరోపణలకు సంబంధించి సీసీటీవీ ఫుటేజీలను పరిశీలిస్తున్నారు.