కొవాగ్జిన్‌, కొవిషీల్డ్‌ వ్యాక్సిన్ల మిక్సింగ్‌తో మెరుగైన రక్షణ.. అధ్యయనంలో వెల్లడి!

More protection with a mixing of Covaxin and Covishield vaccines | కొవాగ్జిన్‌, కొవిషీల్డ్‌ టీకాల మిక్సింగ్‌తో కొవిడ్‌ నుంచి మరింత మెరుగైన రక్షణ ఉంటుందని తేలింది. ఏజీఐ హాస్పిటల్‌ టీకాల మిక్సింగ్‌పై అధ్యయనం నిర్వహించింది. రెండు వ్యాక్సిన్ల మిక్సింగ్‌పై అధ్యయనం నిర్వహించడం ఇదే

హైదరాబాద్‌ : కొవాగ్జిన్‌, కొవిషీల్డ్‌ టీకాల మిక్సింగ్‌తో కొవిడ్‌ నుంచి మరింత మెరుగైన రక్షణ ఉంటుందని తేలింది. ఏఐజీ హాస్పిటల్‌ టీకాల మిక్సింగ్‌పై అధ్యయనం నిర్వహించింది. రెండు వ్యాక్సిన్ల మిక్సింగ్‌పై అధ్యయనం నిర్వహించడం ఇదే తొలిసారి. ఒక డోసు కొవిషీల్డ్‌, మరో డోసు కొవాగ్జిన్‌ టీకా తీసుకోవచ్చని ఏఐజీ హాస్పిటల్‌ చైర్మన్‌ నాగేశ్వర్‌రెడ్డి తెలిపారు. టీకాల మిక్సింగ్‌ యాంటీబాడీలను పెంపొందిస్తుందని పేర్కొన్నారు.

టీకా వేసుకొని, కొవిడ్‌ సోకని 330 మందిపై ఏఐజీ అధ్యయనం నిర్వహించింది. టీకాల మిక్సింగ్‌తో నాలుగు రెట్లు అధిక స్పందన కనిపించిందన్నారు. టీకాల మిక్సింగ్‌ ఒమిక్రాన్‌ వేరియంట్‌పైనా మెరుగ్గా పని చేసుందన్నారు. ఇదిలా ఉండగా.. రెండు టీకాల నిల్వ గడువును కేంద్ర ప్రభుత్వం పొడగించింది. కొవాగ్జిన్‌ టీకా గడువును 9 నుంచి 12 నెలలకు, కొవిషీల్డ్‌ టీకాల నిల్వ గడువును ఆరు నుంచి 9 నెలలకు పొడగించింది. వ్యాక్సిన్ల స్టోరీ గడువును పెంచేందుకు సీడీఎస్‌సీవో ఆమోదం తెలుపడంతో కేంద్రం గడువును పెంచింది.