Daughter forced to consume pesticide | కూతురుతో బలవంతంగా పురుగు మందు తాగించిన తండ్రి

Daughter forced to consume pesticide | క్లాస్‌మేట్‌తో ప్రేమ వ్యవహారం నేపథ్యంలో కూతురుపై తండ్రి ఆగ్రహం వ్యక్తం చేశాడు. ఐరాన్ రాడ్‌తో ఆమెను కొట్టడంతోపాటు బలవంతంగా పురుగు మందు తాగించాడు. (Daughter forced to consume pesticide) ఆసుపత్రిలో చికిత్స పొందుతున్న ఆ బాలిక పరిస్థితి విషమంగా ఉన్నట్లు డాక్టర్లు తెలిపారు.

తిరువనంతపురం: క్లాస్‌మేట్‌తో ప్రేమ వ్యవహారం నేపథ్యంలో కూతురుపై తండ్రి ఆగ్రహం వ్యక్తం చేశాడు. ఐరాన్ రాడ్‌తో ఆమెను కొట్టడంతోపాటు బలవంతంగా పురుగు మందు తాగించాడు. (Daughter forced to consume pesticide) ఆసుపత్రిలో చికిత్స పొందుతున్న ఆ బాలిక పరిస్థితి విషమంగా ఉన్నట్లు డాక్టర్లు తెలిపారు. కేరళలోని కొచ్చీలో ఈ సంఘటన జరిగింది. ఒకే స్కూల్‌లో చదువుతున్న 14 ఏళ్ల బాలిక, 16 ఏళ్ల యువకుడి మధ్య ఉన్న ప్రేమ వ్యవహారం ఆమె తండ్రికి తెలిసింది. దీంతో అతడికి దూరంగా ఉండాలని, ఫోన్‌లో మాట్లాడవద్దని కుమార్తెను హెచ్చరించాడు.

కాగా, అక్టోబర్‌ 29న ఆదివారం ఆ బాలిక తన ప్రియుడితో మొబైల్‌ ఫోన్‌లో మాట్లాడింది. గమనించిన తండ్రి దీనిపై ఆగ్రహం వ్యక్తం చేశాడు. మొబైల్‌ ఫోన్‌ లాక్కోవడంతోపాటు ఐరన్‌ రాడ్‌తో కూతుర్ని కొట్టాడు. అంతటితో ఆగక క్రిమి సంహారక మందును బలవంతంగా తాగించాడు. ఆ బాలిక అస్వస్థత చెందగా ఆసుపత్రికి తరలించారు.

మరోవైపు బాలిక తండ్రి ఆమెతో బలవంతంగా పురుగు మందు తాగించిన విషయాన్ని ఆసుపత్రి వర్గాలు పోలీసులకు తెలిపాయి. ఆమె పరిస్థితి విషమంగా ఉన్నట్లు వెల్లడించాయి. ఈ నేపథ్యంలో బాలిక తండ్రిని పోలీసులు అరెస్ట్‌ చేశారు. హత్యాయత్నం వంటి పలు సెక్షన్ల కింద కేసు నమోదు చేసి దర్యాప్తు చేస్తున్నారు.