Mamata Banerjee | ‘సందేశ్‌ఖాలీపై మాట్లాడటానికి ముందు..’: బీజేపీపై విరుచుకుపడ్డ మమతాబెనర్జీ

Mamata Banerjee | కేంద్రంలో అధికారంలో ఉన్న బీజేపీపై పశ్చిమబెంగాల్‌ ముఖ్యమంత్రి మమతాబెనర్జి తీవ్ర స్థాయిలో విరుచుకుపడ్డారు. పశ్చిమబెంగాల్‌ గవర్నర్‌ సీవీ ఆనందబోస్‌పై లైంగిక వేధింపుల ఆరోపణలు రావడంతో.. రాజ్‌భవన్‌లోనే మహిళలకు రక్షణ లేకుండా పోయిందని మండిపడ్డారు. సందేశ్‌ఖాలీపై నెలల తరబడి అసత్య ప్రచారం చేస్తున్న బీజేపీ నేతలు దీనికి ఏం సమాధానం చెబుతారని ప్రశ్నించారు.

Mamata Banerjee : కేంద్రంలో అధికారంలో ఉన్న బీజేపీపై పశ్చిమబెంగాల్‌ ముఖ్యమంత్రి మమతాబెనర్జి తీవ్ర స్థాయిలో విరుచుకుపడ్డారు. పశ్చిమబెంగాల్‌ గవర్నర్‌ సీవీ ఆనందబోస్‌పై లైంగిక వేధింపుల ఆరోపణలు రావడంతో.. రాజ్‌భవన్‌లోనే మహిళలకు రక్షణ లేకుండా పోయిందని మండిపడ్డారు. సందేశ్‌ఖాలీపై నెలల తరబడి అసత్య ప్రచారం చేస్తున్న బీజేపీ నేతలు దీనికి ఏం సమాధానం చెబుతారని ప్రశ్నించారు.

సందేశ్‌ఖాలీపై తెగ మాట్లాడుతున్న ప్రధాని గవర్నర్‌ వ్యవహారంపై ఎందుకు నోరు తెరవడం లేదని మమతాబెనర్జీ ఫైర్‌ అయ్యారు. సందేశ్‌ఖాలీపై మాట్లాడేముందు రాజభవన్‌లో గవర్నర్‌పై వచ్చిన ఆరోపణలపై మాట్లాడాలన్నారు. గవర్నర్‌ తనను లైంగికంగా వేధించాడని బెంగాల్‌ రాజ్‌భవన్‌లో కాంట్రాక్టు ఉద్యోగినిగా పనిచేస్తున్న ఓ మహిళ ఆరోపించారు. ఈ ఆరోపణలు ఇప్పుడు రాజకీయంగా తీవ్ర దుమారం రేపుతున్నాయి.

గతంలో సందేశ్‌ఖాలీలో తృణమూల్‌ కాంగ్రెస్ నాయకుడు షేక్‌ షాజహాన్‌పైన, టీఎంసీకే చెందిన ఇద్దరు జిల్లా పరిషత్‌ సభ్యులు ఉత్తమ్‌ సర్దార్‌, శిబూ హజ్రాపైన లైంగిక వేధింపుల ఆరోపణలు వచ్చాయి. మహిళలపై వారు ఇష్టారీతిగా అఘాయిత్యాలకు పాల్పడినట్లు పలువురు బాధితులు పోలీసులకు ఫిర్యాదు చేశారు. దాంతో బీజేపీ నేతలు టీఎంసీపై తీవ్ర విమర్శలు చేస్తున్నారు. ఈ క్రమంలో సందేశ్‌ఖాలీపై మాట్లాడేందుకు గవర్నర్‌పై మాట్లాడాలని మమత మండిపడుతున్నారు.