హర్యానా కెమికల్‌ ప్లాంట్‌లో భారీ అగ్నిప్రమాదం

చండీగఢ్‌: హర్యానాలోని కెమికల్‌ ప్లాంట్‌లో భారీ అగ్నిప్రమాదం జరిగింది. సోనిపట్‌ జిల్లాలోని కుండ్లీ ప్రాంతంలో ఆదివారం సాయంత్రం ఈ ఘటన జరిగింది. మంటలు భారీగా వ్యాపించడంతో అదుపుచేసేందుకు ఢిల్లీ అగ్నిమాపక సిబ్బంది సహాయాన్ని హర్యానా ప్రభుత్వం కోరింది. దీంతో ఢిల్లీ అగ్నిమాపక వాహనాలు, బృందాలు కూడా సహాయ కార్యకలాపాల్లో పాల్గొన్నాయి. రెస్క్యూ ఆపరేషన్‌ కొనసాగుతున్నది. ప్రాణ నష్టం గురించి ఇంకా ఎలాంటి సమాచారం అందలేదు. అగ్నిప్రమాదానికి కారణం ఏమిటన్నది కూడా తెలియలేదు. మరోవైపు స్థానికులు ఈ అగ్ని ప్రమాదానికి సంబంధించిన ఫొటోలు, వీడియోలు తమ మొబైల్‌ ఫోన్‌లో రికార్డు చేశారు. దీంతో ఇవి సోషల్‌ మీడియాలో వైరల్‌ అయ్యాయి.

A fire has broken out in a chemical factory in the Kundli area of Sonipat, Haryana. On the special request of Haryana, the Delhi fire service also sent its firefighters for the operation. The cause of the fire is not yet known: Delhi Fire Service pic.twitter.com/ml5PRPqpEu

— ANI (@ANI) April 17, 2022