దేశం కోసం చిన్నతనంలో ప్రాణాలు అర్పించిన విప్లవకారుడు ఖుదీరాం బోస్ (Khudiram Bose). ఆయనను ఉరితీసే నాటికి ఆయన వయసు కేవలం 18 సంవత్సరాల.. 8 నెలల.. 8రోజులు. దేశం కోసం బ్రిటీషర్లతో కొట్లాడి నవ్వుతూ ఉరికంభం ఎక్కాడు. చేతిలో భగవద్గీత పట్టుకుని 1908 లో సరిగ్గా ఇదే రోజున ప్రాణాలు వదిలాడు. దేశం కోసం అప్పటి అధికారులును ఎదిరించడం, ఏకంగా చీఫ్ జడ్జీనే హత్య చేసేందుకు బాంబు విసిరడం వంటి ధైర్యసాహసాలు ప్రదర్శించాడు.
పశ్చిమ బెంగాల్లోని మిడ్నాపూర్ జిల్లాలో 1889 డిసెంబర్ 3 న జన్మించిన ఖుదీరాం బోస్.. చిన్ననాటనే తల్లిదండ్రులు చనిపోవడంతో సోదరి వద్ద పెరిగాడు. మిడ్నాపూర్ జిల్లాలో అరబిందో, సిస్టర్ నివేదిత వచ్చి చేసిన ప్రసంగాలకు ఆకర్శితుడై విప్లవకారుడిగా మారాడు. 15 ఏండ్ల వయసులోనే అనుశీలన్ సమితి వాలంటీర్గా పనిచేసి బ్రిటీషర్లకు వ్యతిరేకంగా కరపత్రాలు పంచుతూ అరెస్టయ్యాడు. 18 ఏండ్ల వయసులో చీఫ్ జడ్జీ డగ్లాస్ కింగ్ఫోర్డ్ను హత్య చేసే బాధ్యత ఖుదీరాం బోస్, ప్రఫుల్లా చాకీపై ఉంచారు. ఏప్రిల్ 30 న బ్రిడ్జ్ ఆడి ఇంటికి వస్తున్న కింగ్ఫోర్డ్పై దాడి చేయడానికి బదులుగా పొరపాటున న్యాయవాది కెన్నెడీపై బాంబులు విసిరారు. ఈ ఘటనలో కెన్నెడీ భార్య చనిపోయింది.
పోలీసులకు దొరక్కుండా పారిపోయిన తర్వాత ప్రఫుల్లా తనకు తాను కాల్చుకుని చావగా.. ఖుదీరాం బోస్ పోలీసులకు దొరికిపోయాడు. దాంతో ఆయనను విచారించి ఉరిశిక్ష విధిస్తూ తీర్పుచెప్పారు. ముజఫ్పర్పూర్ జైలులో ఆగస్ట్ 11 న నవ్వుతూ ఉరికంభం ఎక్కాడు. ఖుదీరాం బోస్ సేవలకు గుర్తుగా ముజఫ్పర్పూర్ జైలుకు ఖుదీరాం బోస్ స్మారక కేంద్ర కారాగారం అని పేరు పెట్టారు. అలాగే, ఆయన పట్టుబడిన రైల్వే స్టేషన్ను ఖుదీరాం బోస్ పూసా రైల్వేస్టేషన్గా మార్చారు.
2008 : బీజింగ్ ఒలింపిక్స్లో షూటింగ్లో పసిడి పతకం సాధించిన భారత షూటర్ అభినవ్ భింద్రా
2004 : వాంటెడ్ క్రిమినల్స్ జాబితాను పంచుకున్న భారత్, పాకిస్తాన్ దేశాలు
2003 : ఆఫ్ఘనిస్తాన్ శాంతి పరిరక్షణ బాధ్యతను తీసుకున్న నాటో దళాలు
1988 : ఒసామా బిన్ లాడెన్ నేతృత్వంలో అల్ఖైదా ప్రారంభం
1984 : భూగర్భ అణుపరీక్షలను నిర్వహించిన సోవియట్ యూనియన్
1962 : వోస్టోక్-3 ని ప్రయోగించిన సోవియట్ యూనియన్
1961 : దాద్రా నగర్ హవేలిని భారత భూభాగం కిందకు చేర్చుకుని కేంద్ర పాలిత ప్రాంతాలుగా ప్రకటన
1960 : ఫ్రాన్స్ నుంచి స్వాతంత్య్రాన్ని ప్రకటించుకున్న ఆఫ్రికన్ దేశం చాద్
1948 : రెండో ప్రపంచ యుద్ధం అనంతరం తొలిసారిగా ఒలింపిక్ గేమ్స్ ప్రారంభం
1914 : ఆస్ట్రియా, హంగేరిపై యుద్ధం ప్రకటించిన ఫ్రాన్స్
ఇలా నీరజ్ ‘పసిడి’కి గుర్తింపు..
వీరి నివాసం కేరాఫ్ పోలీస్ స్టేషన్..!
నీరజ్ చోప్రా ‘పసిడి’ రహస్యమిదే..?!
అంతరిక్షంలో వరుడు.. టెక్సాస్లో వధువు.. వీడియో కాల్లో పెండ్లి
రక్తంలో షుగర్ నియంత్రణకు కృత్రిమ క్లోమం
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..