Visit:
Traffic Fine : స్విట్జర్లాండ్ పర్యటనకు వెళ్లి, వచ్చిన ఒక భారతీయ టూరిస్ట్కు ఆ దేశం షాకిచ్చింది. ట్రిప్ పూర్తైన ఏడాది తర్వాత ట్రాఫిక్ చలాన్ విధిస్తూ నోటీస్ పంపింది. దీనికి సంబంధించిన వివరాల్ని ఆ టూరిస్ట్ తన సోషల్ మీడియా ఖాతాలో వెల్లడించింది. పోన్ సాప్డి అనే ఒక యూజర్ తన ఎక్స్ ఖాతాలో ఈ వివరాల్ని పోస్ట్ చేసింది. ఆమె పోస్ట్ ప్రకారం. పోన్ సాప్డి అనే మహిళ ఏడాదిక్రితం వెకేషన్ కోసం స్విట్జర్లాండ్ వెళ్లి వచ్చింది.
అక్కడ ఆ సమయంలో ఒక చోట స్టే చేసి, వాహనాలు అద్దెకు తీసుకుంటారు. ఈ సమయంలో అగ్రిమెంట్ కింద పూర్తి డీటెయిల్స్ ఇవ్వాల్సి ఉంటుంది. అలా, ఆమె అన్ని వివరాలు అక్కడ సమర్పించింది. ఇదే సమయంలో వాహనం నడుపుతూ ట్రాఫిక్ ఉల్లంఘనకు పాల్పడింది. తర్వాత కొద్ది రోజులకు ఇండియా తిరిగి వచ్చింది. ఇది జరిగి ఏడాది పూర్తైంది. అయితే, ఇంతకాలానికి ఆమె మెయిల్కు స్విట్జర్లాండ్ నుంచి మెయిల్ వచ్చింది. అక్కడ ట్రాఫిక్ ఉల్లంఘనకు పాల్పడినందుకుగాను రూ.1.5 లక్షల వరకు పన్ను చెల్లించాలని మెయిల్లో పేర్కొన్నారు. దీంతో ఆమె షాక్కు గురైంది. ఈ విషయంపై సోషల్ మీడియాలో పోస్ట్ చేసిన పోన్ సాప్డి నెటిజన్లను ఈ విషయంలో సలహా అడిగింది.
Has anyone here received a traffic violation fine from Switzerland months after returning from a vacation?
We just received a challan of almost ₹1 lakh, nearly a year after our trip. We’re trying to understand if there’s any way to appeal, reduce, or get it waived.
— Poan Sapdi (@Poan__Sapdi) May 30, 2026
చలాన్ రద్దు చేసుకునేందుకు, మినహాయింపు కోరేందుకు, లేదా తగ్గించేందుకు ఏమైనా చేయొచ్చా అని నెటిజన్లను అడిగింది. స్విట్జర్లాండ్కు సంబంధించిన చట్టాలపై అవగాహన ఉంటే చెప్పాలని కోరింది. దీంతో ఆమెకు చాలా మంది సలహాలు ఇస్తున్నారు. ఆలస్యం చేయకుండా ట్రాఫిక్ ఫైన్ చెల్లించాలని సూచిస్తున్నారు. లేకుంటే దీనిపై వడ్డీ కూడా విధించే అవకాశం ఉందని సూచిస్తున్నారు. పైగా డిస్కౌంట్ లాంటివి అడిగితే, ఆ ఫైన్ ఇంకా పెంచుతారే తప్ప తగ్గించరు అని చెబతున్నారు. దీంతో తాను ఈ చలాన్ ఎలాగైనా చెల్లిస్తానని ఆమె చెప్పారు.
