Visit:
జైపూర్‌: భారత వైమానిక దళం (ఐఏఎఫ్)కు చెందిన యుద్ధ విమానం (IAF fighter jet) పొరపాటున ఒక క్షిపణిని ప్రయోగించింది. రాజస్థాన్‌లోని పోఖ్రాన్ ఫైరింగ్ రేంజ్ సమీపంలో బుధవారం తెల్లవారుజామున ఈ సంఘటన జరిగింది. సాంకేతిక లోపం కారణంగా అనుకోకుండా ‘ఎయిర్ స్టోర్’ (పేలోడ్‌) రిలీజ్‌ అయ్యిందని ఇండియన్ ఎయిర్‌ఫోర్స్‌ (ఐఏఎఫ్) అధికారులు తెలిపారు. కారణాన్ని తెలుసుకునేందుకు దర్యాప్తు చేప్తున్నట్లు చెప్పారు. అయితే ఈ సంఘటనలో ఎలాంటి ప్రాణ నష్టం లేదా ఆస్తి నష్టం జరుగలేదని అధికారులు వెల్లడించారు.
కాగా, ఐఏఎఫ్ ఈ విషయాన్ని ధృవీకరించింది. బుధవారం ఎక్స్‌లో పోస్ట్‌ చేసింది. ‘సాంకేతిక లోపం కారణంగా ఈ రోజు పోఖ్రాన్ ఫైరింగ్ రేంజ్ ఏరియా సమీపంలో ఇండియన్ ఎయిర్ ఫోర్స్ (ఐఏఎఫ్) ఫైటర్ ఎయిర్‌క్రాఫ్ట్ నుంచి ‘ఎయిర్ స్టో’ర్ అనుకోకుండా విడుదలైంది. ఈ ఘటనపై దర్యాప్తునకు ఐఏఎఫ్ ఆదేశించింది. ఎలాంటి ప్రాణ, ఆస్తి నష్టం సంభవించలేదు’ అని అందులో పేర్కొంది.
An inadvertent release of an air store from an Indian Air Force (IAF) fighter aircraft took place near Pokhran firing range area, due to technical malfunction, today. An enquiry by the IAF has been ordered to investigate into the incident. No damage to life or property has been…
— Indian Air Force (@IAF_MCC) August 21, 2024
