Helicopter Crash | ఆ హెలికాప్ట‌ర్ కూలిపోయింది.. పైల‌ట్ స‌హా ఆరుగురు దుర్మ‌ర‌ణం..!

Helicopter Crash | ఉత్తరాఖండ్ (Uttarakhand) రాష్ట్రంలోని చమోలీ జిల్లా (Chamoli district) లో గ‌ల్లంతైన‌ హెలికాప్టర్ (Helicopter) కూలిపోయింది. హెలికాప్ట‌ర్ బద్రీనాథ్‌ (Badrinath) నుంచి డెహ్రాడూన్‌ (Dehradun) కు వెళ్తున్న సమయంలో ఈ ప్ర‌మాదం జ‌రిగింది. ప్రమాదానికి గురైన స‌మ‌యంలో ఆ హెలికాప్ట‌ర్‌లో పైలట్‌ సహా ఆరుగురు వ్యక్తులు ఉన్నట్లు తెలిసింది.

Helicopter Crash : ఉత్తరాఖండ్ (Uttarakhand) రాష్ట్రంలోని చమోలీ జిల్లా (Chamoli district) లో గ‌ల్లంతైన‌ హెలికాప్టర్ (Helicopter) కూలిపోయింది. హెలికాప్ట‌ర్ బద్రీనాథ్‌ (Badrinath) నుంచి డెహ్రాడూన్‌ (Dehradun) కు వెళ్తున్న సమయంలో ఈ ప్ర‌మాదం జ‌రిగింది. ప్రమాదానికి గురైన స‌మ‌యంలో ఆ హెలికాప్ట‌ర్‌లో పైలట్‌ సహా ఆరుగురు వ్యక్తులు ఉన్నట్లు తెలిసింది. జోషిమ‌ఠ్‌ (Joshimatt) కు ద‌గ్గ‌ర‌లో ఉన్న‌ చైయెన్ (Chaien) గ్రామం స‌మీపంలో హెలికాప్ట‌ర్ కూలినట్లు అధికారులు గుర్తించారు. ఈ ప్ర‌మాదంలో హెలికాప్ట‌ర్‌లో ఉన్న ఆరుగురు మ‌ర‌ణించి ఉంటార‌ని భావిస్తున్నారు.

ప్ర‌మాదం స‌మాచారం అందిన వెంట‌నే రంగంలోకి దిగిన అధికారులు సెర్చ్‌ ఆపరేషన్‌ మొదలుపెట్టారు. జాతీయ విప‌త్తు నిర్వ‌హ‌ణ సంస్థ‌, రాష్ట్ర విప‌త్తు నిర్వ‌హ‌ణ సంస్థ సంయుక్తంగా ఈ ఆప‌రేష‌న్ నిర్వ‌హిస్తున్నాయి. మరో రెండు హెలికాప్టర్ల సాయంతో రెస్క్యూ ఆప‌రేష‌న్ చేస్తున్నారు. ప్రస్తుతం అక్కడ ప్రతికూల వాతావరణం ఉండ‌టంతో స‌హాయ‌క చ‌ర్య‌ల‌కు ఇబ్బందిక‌రంగా ఉంద‌ని అధికారులు తెలిపారు. ఘ‌ట‌నకు సంబంధించి పూర్తి వివరాలు ఇంకా తెలియాల్సి ఉంది.

బ‌ద్రీనాథ్ నుంచి మ‌ధ్యాహ్నం 2.15 నిమిషాల‌కు హెలికాప్ట‌ర్ టేకాఫ్ తీసుకున్న‌ది. హ‌తీ ప‌ర్వ‌త్ ఏరియా వ‌ద్ద ఆ హెలికాప్ట‌ర్‌తో కాంటాక్టు తెగిన‌ట్లు చెబుతున్నారు. స్నో కుర‌వ‌డంవ‌ల్ల‌ హతీ ప‌ర్వ‌త్ ఏరియా వ‌ద్ద కాంటాక్టు కోల్పోయిన‌ట్లు అధికారులు తేల్చారు. రాష్ట్ర‌, ఆర్మీ బృందాలు రెస్క్యూ ఆప‌రేష‌న్‌లో పాల్గొన్నాయి.