Patna | బైక్‌పై నిలబడి రెండు చేతుల్లో గన్స్‌తో అమ్మాయి స్టంట్స్‌.. వీడియో వైరల్‌

సోషల్‌ మీడియా మోజులో పడి ప్రమాదకరమైన స్టంట్స్‌ చేస్తూ యువత ప్రాణాల మీదికి తెచ్చుకుంటున్నారు. బీహార్‌లోని పట్నాలో (Patna) ఓ యువతి వేగంగా వెళ్తున్న బైక్‌పై (Moving bike) నిల్చుని, తన రెండు చేతుల్లో రెండు తుపాకులు (Guns) పట్టుకుని కెమెరాకు ఫోజులిచ్చింది.

పట్నా: సోషల్‌ మీడియా మోజులో పడి ప్రమాదకరమైన స్టంట్స్‌ చేస్తూ యువత ప్రాణాల మీదికి తెచ్చుకుంటున్నారు. బీహార్‌లోని పట్నాలో (Patna) ఓ యువతి వేగంగా వెళ్తున్న బైక్‌పై (Moving bike) నిల్చుని, తన రెండు చేతుల్లో రెండు తుపాకులు (Guns) పట్టుకుని కెమెరాకు ఫోజులిచ్చింది. పట్నాలో ఓ యువ జంట మెరైన్‌ డ్రైవ్‌ (Marine Drive) మాదిరిగా తామూ స్టంట్‌ చేయాలనుకున్నారో ఏమో.. అనుకున్నదే తడవుగా జేపీ గంగా పాథ్‌వే (JP Ganga Pathaway) యువకుడు వేగంగా బైక్‌ నడుపుతుండగా, వెనక కూర్చున్న యువతి లేచి నలబడి తన రెండు చేతుల్లో తుపాకులను గాల్లోకి చూపించింది. దీనినంతటినీ వారి వెంటే వస్తున్న మరో బైకర్‌ వీడియో తీసి సోషల్‌ మీడియాలో పోస్ట్‌ చేశారు. అదికాస్తా వైరల్‌గా మారడంతో విషయం పోలీసుల దృష్టికి వెళ్లింది.

సంబంధిత వీడియోపై దర్యాప్తు చేస్తున్నామని పట్నా ఎస్పీ వైభవ్‌ శర్మ (SP Vaibhav Sharma) చెప్పారు. ప్రమాదకరమైన స్టంట్లు చేసిన యువకులపై కఠిన చర్యలు తీసుకుంటామన్నారు. వీడియో ఆధారంగా బైక్‌ రిజిస్ట్రేషన్‌ నంబర్‌ను గుర్తించామని, త్వరలోనే వారిని కూడా పట్టుకుంటామని తెలిపారు. నిందితుల కోసం గాలిస్తున్నామని వెల్లడించారు. కాగా, ఇదే తరహా ఘటన అదే ప్రాంతంలో కొన్ని నెలల కిందట కూడా జరిగిన విషయం తెలిసిందే. అయితే ఆ యువతి చూపించిన తుపాకులు బొమ్మవని విచారణలో తేలింది.

म्हारि छोरियां चोरों से कम है के 🤨
देखिए #Patna के #MarineDrive पर कैसे दोनों हाथों में पिस्टल लहरा रहीं हैं… हालांकि Central SP Vaibhav Sharma ने इन्हें गेयर में ले लिया है 😁 pic.twitter.com/GabwHv6wZn

— Akshay Anand (@AkshayAnandTN) August 19, 2023