IT Layoffs | గడ్డు పరిస్థితుల్లో ఐటీ పరిశ్రమ.. గంటకు 23 మంది టెకీలకు ఉద్వాసన

ప్రపంచవ్యాప్తంగా గత రెండేండ్లుగా ఐటీ పరిశ్రమ గడ్డు పరిస్థితులను ఎదుర్కొంటున్నది. పలు సంస్థలు తమ సిబ్బందిని తొలగిస్తూ వస్తున్నాయి. ప్రపంచ వ్యాప్తంగా ఏర్పడిన ఆర్థిక మాంద్యం కారణంగా ఈ పరిశ్రమ ఇంకా కోలుకోలేదు. ప్రాజెక్టులు లేకపోవడం,

IT Layoffs | ప్రపంచవ్యాప్తంగా గత రెండేండ్లుగా ఐటీ పరిశ్రమ గడ్డు పరిస్థితులను ఎదుర్కొంటున్నది. పలు సంస్థలు తమ సిబ్బందిని తొలగిస్తూ వస్తున్నాయి. ప్రపంచ వ్యాప్తంగా ఏర్పడిన ఆర్థిక మాంద్యం కారణంగా ఈ పరిశ్రమ ఇంకా కోలుకోలేదు. ప్రాజెక్టులు లేకపోవడం, లాభాలు దిగజారడం వంటి పరిస్థితుల వల్ల మరింతగా ఖర్చు తగ్గించుకోవాలని భావిస్తున్న ఐటీ సంస్థలు తమ ఉద్యోగుల తొలగింపును కొనసాగిస్తున్నాయి.

ఉద్యోగాల కోత ఇలా..

• గత రెండేండ్లలో ఉద్యోగాలు కోల్పోయిన ఐటీ ఉద్యోగులు- 4,04,962 మంది
• గంటకు 23 మంది, రోజుకు 555 మంది

2022లో..

• ఉద్యోగులను తొలగించిన కంపెనీలు- 1,061
• ఉద్యోగాలు కోల్పోయిన మొత్తం టెకీలు 1,64,769

2023లో..

• ఉద్యోగులను తొలగించిన కంపెనీలు- 1059
• ఉద్యోగాలు కోల్పోయిన టెకీలు- 2,40,193

స్టార్టప్‌ల నుంచి గూగుల్‌ వరకు అదే దారి

గత రెండేండ్లుగా ఎప్పుడు ఉద్యోగం పోతుందో తెలియక ఐటీ ఉద్యోగులు ఆందోళన చెందుతున్నారు. ప్రతి గంటకు 23 మంది టెకీలు ఉద్యోగాలు కోల్పోతున్నట్టు ఒక నివేదిక తెలియజేసింది. లేఆఫ్‌.ఎఫ్‌వైఐ వెబ్‌సైట్‌ తెలియజేసిన వివరాల ప్రకారం ప్రపంచ వ్యాప్తంగా 2,120 టెక్‌ కంపెనీలు నేటి వరకు 4,04,962 మంది ఉద్యోగులను ఇంటికి పంపాయి. ఇలా తొలగిస్తున్న వాటిలో స్టార్టప్‌ల నుంచి గూగుల్‌ వరకు దేనికీ మినహాయింపు లేదు. వచ్చేవారంలో మరిన్ని కంపెనీలు ఉద్యోగులను తొలగిస్తాయని వార్తలొస్తున్నాయి. యూఎస్‌కు చెందిన ప్రముఖ చిప్‌ తయారీ సంస్థ క్వాల్‌కామ్‌ 1,258 మందిని తీసివేయాలని యోచిస్తున్నది. అలాగే అమెరికేతర సంస్థలైన చైనాలిసిస్‌, ప్లెక్స్‌, సిస్కో, పై ఇన్సూరెన్స్‌లు వందలాది మందిని, ఎపిక్‌ గేమ్స్‌ 16 శాతం అనగా 870 మందిని ఇంటికి పంపడానికి రంగం సిద్ధం చేస్తున్నాయి.

• భారత్‌లో సుమారు 21 వేల మంది ఉద్యోగులను తొలగించిన 70 స్టార్టప్‌లు