ఎడారిలో మహిళా కానిస్టేబుల్‌ సాహసం

ఎడారిలో చిక్కుకుపోయిన 86 ఏండ్ల వృద్ధురాలిని ఓ మహిళా కానిస్టేబుల్‌ ఐదు కిలోమీటర్ల మేర తన భుజాలపై తీసుకెళ్లి కాపాడారు. 27 ఏండ్ల వర్ష పరమార్‌ ప్రస్తుతం గుజరాత్‌లోని కచ్‌ జిల్లా రాపార్‌ పోలీస్‌ స్టేషన్‌లో కానిస్టేబుల్‌గా

ఎడారిలో చిక్కుకుపోయిన 86 ఏండ్ల వృద్ధురాలిని ఓ మహిళా కానిస్టేబుల్‌ ఐదు కిలోమీటర్ల మేర తన భుజాలపై తీసుకెళ్లి కాపాడారు. 27 ఏండ్ల వర్ష పరమార్‌ ప్రస్తుతం గుజరాత్‌లోని కచ్‌ జిల్లా రాపార్‌ పోలీస్‌ స్టేషన్‌లో కానిస్టేబుల్‌గా పనిచేస్తున్నారు. కాగా, ఇద్దరు మహిళలతో కలిసి కచ్‌ ఎడారి ప్రాంతంలో ఉన్న గుడికి వెళ్లిన ఆ వృద్ధురాలు తిరిగి వస్తుండగా కళ్లు తిరిగి పడిపోయింది.

అక్కడ ఆమె పరిస్థితిని గమనించిన కొందరు రాపార్‌ పోలీస్‌ స్టేషన్‌కు సమాచారం అందించారు. స్పందించిన వర్ష పరమార్‌ హుటాహుటిన నీళ్ల సీసాతో ఘటనాస్థలికి వెళ్లారు. ఆమెకు నీరు తాగించి, సపర్యలు చేసి 5 కిలోమీటర్ల మేర తన భుజాలపై ఎత్తుకుని తీసుకొచ్చింది. ఈ వీడియో నెట్టింట తెగ వైరల్‌ అయింది. ఆమె మానవతా దృక్పథానికి నెటిజన్లు ప్రశంసల వర్షం కురిపిస్తున్నారు.