ప్రైమ్‌ మినిస్టర్‌ అంబానీ!

భారత్‌లో స్టార్‌లింక్‌ ప్రవేశం ఆలస్యం కావడంపై టెక్‌ దిగ్గజం ఎలాన్‌ మస్క్‌ వరుసగా మూడో రోజు కూడా తీవ్ర అసంతృప్తి వ్యక్తం చేశారు. రిలయన్స్‌ అధినేత ముఖేశ్‌ అంబానీపై తీవ్ర స్థాయిలో విరుచుకుపడ్డారు. ‘ఎక్స్‌' వేదికగా అంబానీని ‘ప్రైమ్‌ మినిస్టర్‌ అంబానీ’ అని సంబోధిస్తూ,

• మూడోరోజూ మస్క్‌ అవే వ్యాఖ్యలు

న్యూఢిల్లీ : భారత్‌లో స్టార్‌లింక్‌ ప్రవేశం ఆలస్యం కావడంపై టెక్‌ దిగ్గజం ఎలాన్‌ మస్క్‌ వరుసగా మూడో రోజు కూడా తీవ్ర అసంతృప్తి వ్యక్తం చేశారు. రిలయన్స్‌ అధినేత ముఖేశ్‌ అంబానీపై తీవ్ర స్థాయిలో విరుచుకుపడ్డారు. ‘ఎక్స్‌’ వేదికగా అంబానీని ‘ప్రైమ్‌ మినిస్టర్‌ అంబానీ’ అని సంబోధిస్తూ, ఆయన దేశానికి అసలైన బాస్‌ అనే విషయం తనకు తెలియకపోయినందుకు క్షమాపణలు చెబుతున్నానంటూ వ్యంగ్యాస్ర్తాలు సంధించారు.

భారత టెలికం మార్కెట్‌లో తన ఏకఛత్రాధిపత్యాన్ని కాపాడుకునేందుకు అంబానీ ప్రాధాన్యత ఇస్తారని ఆరోపిస్తూనే, స్టార్‌లింక్‌ను మార్కెట్లో పోటీ పడనిస్తారా అని ప్రశ్నించారు. దేశంలోని మూరుమూల ప్రాంతాల్లో సరైన ఇంటర్నెట్‌ లేక పిల్లలు విద్యకు, చిన్న వ్యాపారులు అంతర్జాతీయ మార్కెట్లకు దూరమవుతున్నారని, స్టార్‌లింక్‌ సేవలు అందుబాటులోకి వస్తే వారి జీవితాలు మెరుగుపడతాయని మస్క్‌ పేర్కొన్నారు.