గుజరాత్‌ నుంచే పంజాబ్‌కు డ్రగ్స్‌

బీజేపీ పాలిత గుజరాత్‌ నుంచే తమ రాష్ర్టానికి మాదక ద్రవ్యాలు సరఫరా అవుతున్నాయని పంజాబ్‌ సీఎం భగవంత్‌ మాన్‌ మంగళవారం తెలిపారు. కానీ ఈ విషయంలో తమ రాష్ట్రంపైనే కొందరు దుమ్మెత్తి పోస్తున్నారని ఆయన ఆవేదన వ్యక్తం చేశారు.

• పంజాబ్‌ సీఎం భగవంత్‌ మాన్‌

చండీగఢ్‌, జూన్‌ 18: బీజేపీ పాలిత గుజరాత్‌ నుంచే తమ రాష్ర్టానికి మాదక ద్రవ్యాలు సరఫరా అవుతున్నాయని పంజాబ్‌ సీఎం భగవంత్‌ మాన్‌ మంగళవారం తెలిపారు. కానీ ఈ విషయంలో తమ రాష్ట్రంపైనే కొందరు దుమ్మెత్తి పోస్తున్నారని ఆయన ఆవేదన వ్యక్తం చేశారు. డ్రగ్స్‌ ముప్పును ఎదుర్కోవడానికి కఠిన చర్యలు తీసుకుంటామని.. పోలీసులు, స్మగ్లర్ల మధ్య అనుబంధాన్ని ఉక్కుపాదంతో అణచివేస్తామని అన్నారు. తాజాగా ఆయన పోలీస్‌ ఉన్నతాధికారులతో సమావేశమయ్యారు. అనంతరం మీడియాతో మాట్లాడుతూ.. ‘ప్రతి పోలీస్‌ స్టేషన్‌లో కింది స్థాయి అధికారులను బదిలీ చేయాలని డీజీపీని కోరాను. మూడేండ్లుగా ఒకేచోట పనిచేస్తున్న కనీసం 10 వేల మంది అధికారులను బదిలీ చేస్తాం’ అని చెప్పారు.