ఢిల్లీ ఎయిమ్స్ స‌ర్వ‌ర్ల హ్యాకింగ్ వెనుక చైనా హ‌స్తం

Delhi AIIMS | ఢిల్లీ ఎయిమ్స్ స‌ర్వ‌ర్ల హ్యాకింగ్ వెనుక చైనా హ‌స్త‌మున్న‌ట్లు తేలింది. చైనా హ్యాక‌ర్లు ఎయిమ్స్ స‌ర్వ‌ర్ల‌ను హ్యాక్ చేసిన‌ట్లు కేంద్ర ఆరోగ్య శాఖ వ‌ర్గాలు బుధ‌వారం వెల్ల‌డించాయి. ఎయిమ్స్‌లో దాదాపు 100

న్యూఢిల్లీ : ఢిల్లీ ఎయిమ్స్ స‌ర్వ‌ర్ల హ్యాకింగ్ వెనుక చైనా హ‌స్త‌మున్న‌ట్లు తేలింది. చైనా హ్యాక‌ర్లు ఎయిమ్స్ స‌ర్వ‌ర్ల‌ను హ్యాక్ చేసిన‌ట్లు కేంద్ర ఆరోగ్య శాఖ వ‌ర్గాలు బుధ‌వారం వెల్ల‌డించాయి. ఎయిమ్స్‌లో దాదాపు 100 స‌ర్వ‌ర్లు హ్యాకింగ్‌కు గురైన‌ట్లు పేర్కొన్నారు. ఇందులో కొన్నింటిని తిరిగి ఆధీనంలోకి తెచ్చుకున్న‌ట్లు తెలిపాయి. ఈ స‌ర్వ‌ర్ల‌లో డేటాను పునరుద్ధ‌రించిన‌ట్లు ఆరోగ్య శాఖ వ‌ర్గాలు స్ప‌ష్టం చేశాయి.

హ్యాకింగ్ నేప‌థ్యంలో ఎయిమ్స్‌కు సంబంధించిన అన్ని సేవ‌లు మ్యానువ‌ల్‌గా నిర్వ‌హిస్తున్న‌ట్లు పేర్కొన్నాయి. ఎయిమ్స్‌లో స‌ర్వ‌ర్లు మొరాయించిన‌ట్లు గ‌త నెల 23న తొలిసారి గుర్తించారు. ఆ త‌ర్వాత హ్యాకింగ్ విష‌యం వెలుగులోకి వ‌చ్చింది. ప్ర‌స్తుతం ఎయిమ్స్‌లో స‌ర్వ‌ర్లు కంప్యూట‌ర్ల‌కు యాంటీ వైర‌స్ సొల్యూష‌న్ ప్ర‌క్రియ కొన‌సాగుతోంది. ఢిల్లీ ఎయిమ్స్‌లో మొత్తం 5 వేల‌కు పైగా కంప్యూట‌ర్లు ఉండ‌గా, ఇప్ప‌టి వ‌ర‌కు 1200ల‌కు పైగా కంప్యూట‌ర్ల‌లో యాంటీ వైర‌స్ సాఫ్ట్‌వేర్ వేసిన‌ట్లు ఎయిమ్స్ వ‌ర్గాలు వెల్ల‌డించాయి.