అహ్మదాబాద్: ఒక ఆవుపై ఆడ సింహం దాడి చేసింది. ఆవును చంపి తినేందుకు దాని మెడను నోటితో గట్టిగా పట్టుకుంది (Lioness Grips Cow). ఇది గమనించిన రైతు సింహం బారి నుంచి తన ఆవును కాపాడుకునేందుకు ప్రయత్నించాడు. ఆ సింహంపైకి రాళ్లు విసిరాడు. దీంతో సింహం ఆ ఆవును విడిచి అడవిలోకి పారిపోయింది. ఈ వీడియో క్లిప్ సోషల్ మీడియాలో వైరల్ అయ్యింది. గుజరాత్లోని గిర్ సోమనాథ్ జిల్లాలో ఈ సంఘటన జరిగింది. ఒక రైతుకు చెందిన ఆవుపై ఆడ సింహం దాడి చేసింది. ఆవు మెడను నోటితో గట్టిగా పట్టుకుంది. దానిని రోడ్డు మీదకు ఈడ్చుకెళ్లింది. అయితే సింహం బారి నుంచి తప్పించుకునేందుకు ఆవు తెగ పెనుగులాడింది.
కాగా, కొంత దూరంలో ఉన్న రైతు తన ఆవును కాపాడుకునేందుకు ధైర్యంగా ముందుకు వచ్చాడు. గట్టిగా అరిచి సింహాన్ని బెదరగొట్టేందుకు ప్రయత్నించాడు. అయినప్పటికీ ఆవు మెడను సింహం వదలిపెట్టలేదు. దీంతో రోడ్డు పక్కన ఉన్న రాళ్లను సింహంపైకి విసిరాడు. చివరకు బెదిరిన ఆడ సింహం తన పట్టును సడలించింది. ఆ తర్వాత అడవిలోకి పారిపోయింది.
మరోవైపు ఆ సమయంలో అక్కడి రోడ్డుపై నిలిచిన ఒక కారులోని వ్యక్తి తన మొబైల్ ఫోన్లో దీనిని రికార్డ్ చేశాడు. జునాగఢ్లోని కేషోడ్ కార్పొరేటర్ వివేక్ కొటాడియా ఈ వీడియో క్లిప్ను ట్విట్టర్లో పోస్ట్ చేశారు. దీంతో ఈ వీడియో క్లిప్ సోషల్ మీడియాలో వైరల్ అయ్యింది.
ગીર સોમનાથ જિલ્લાના આલીદર ગામે સિંહણ દ્વારા ગાય ઉપર હુમલો કરેલ ત્યારે ખેડૂતે #Credit કિરીટસિંહ ચૌહાણ પોતાની ગાયને એક ખમીરવંતો પ્રયાસ કરેલ અને સફળતા મળેલ.
ખુબ ખુબ સલામ#lion #animalattack #cow #lioness #kingofthejungle #hunt #wildlife #india #nationalgeographic #discovery pic.twitter.com/lDYGub9bfZ— Vivek Kotadiya🇮🇳 BJP (@VivekKotdiya) June 29, 2023