Congress : యూపీ ఎన్నికల వేళ.. కీలక నేత ఆర్పీఎన్ సింగ్ పార్టీకి గుడ్బై చెప్పిన రోజే కాంగ్రెస్కు సినిమా బలం దొరికింది. భోజ్పురీ సినిమా హీరోయిన్ రాణీ ఛటర్జీ కాంగ్రెస్లో చేరేందుకు రెడీ అయ్యారు. ఈ మేరకు ఆమె సోషల్ మీడియా వేదికగా ఈ విషయాన్ని వెల్లడించారు. కాంగ్రెస్ జాతీయ ప్రధాన కార్యదర్శి ప్రియాంక గాంధీతో ఉన్న ఓ ఫొటోను ఆమె ఇన్స్టాగ్రామ్లో పోస్ట్ చేశారు. కాంగ్రెస్లో చేరుతున్నందుకు ఎంతో సంతోషంగా ఉందంటూ పేర్కొన్నారు. అంతేకాకుండా ప్రియాంక గాంధీకి కూడా ధన్యవాదాలు ప్రకటించారు. నేను మహిళను.. పోటీలో నిల్చుంటాను అన్న నినాదాన్ని కూడా ఆమె తన పోస్ట్లో పేర్కొన్నారు. ఎన్నికల బరిలోకి దిగడానికి మరో మహిళ కూడా సై అంటోంది. లడ్కీ హూ.. లడ్ సక్తీహూ (నేను మహిళను.. బరిలోకి కూడా దిగే సత్తా వుంది) ఈ నినాదంతో సరికొత్త అధ్యాయాన్ని ప్రారంభించబోతున్నాను అంటూ రాణి ఛటర్జీ పేర్కొన్నారు.