Boat explosion | చార్టర్‌ బోటులో భారీ పేలుడు.. 11 మందికి గాయాలు

Boat explosion | అమెరికా (USA) లోని ఫ్లోరిడా రాష్ట్రం (Florida state) లో ఓ చార్టర్ బోటు (Charter Boat) లో భారీ పేలుడు సంభవించింది. మియామి నగర సమీపంలోని బిస్కేన్ బేలో శనివారం ఈ దుర్ఘటన చోటుచేసుకుంది. ప్రమాదంలో ఒక చిన్నారితో సహా 11 మంది గాయపడ్డారు. పర్యాటకానికి ప్రసిద్ధి చెందిన హాలోవర్ సాండ్‌బార్ సమీపంలో ఈ ఘటన జరిగింది.

Boat explosion : అమెరికా (USA) లోని ఫ్లోరిడా రాష్ట్రం (Florida state) లో ఓ చార్టర్ బోటు (Charter Boat) లో భారీ పేలుడు సంభవించింది. మియామి నగర సమీపంలోని బిస్కేన్ బేలో శనివారం ఈ దుర్ఘటన చోటుచేసుకుంది. ప్రమాదంలో ఒక చిన్నారితో సహా 11 మంది గాయపడ్డారు. పర్యాటకానికి ప్రసిద్ధి చెందిన హాలోవర్ సాండ్‌బార్ సమీపంలో ఈ ఘటన జరిగింది. ‘నాటీ నేబర్స్’ అనే 40 అడుగుల పడవలో సుమారు 14 మంది ప్రయాణిస్తుండగా ఒక్కసారిగా పేలుడు సంభవించింది. ఈ ధాటికి బోటులో ఉన్న ప్రయాణికులు గాల్లోకి ఎగిరి నీటిలో పడ్డారు.

సమాచారం అందుకున్న వెంటనే మియామి-డేడ్ ఫైర్ రెస్క్యూ, యూఎస్ కోస్ట్ గార్డ్ బృందాలు ఘటనా స్థలానికి చేరుకున్నాయి. ప్రమాద తీవ్రత దృష్ట్యా దీనిని ‘లెవెల్ 2 మాస్ క్యాజువాలిటీ’గా ప్రకటించి సహాయక చర్యలు చేపట్టారు. గాయపడిన వారిలో కొందరికి తీవ్రంగా కాలిన గాయాలు కాగా.. మరికొందరికి స్వల్ప గాయాలయ్యాయని అధికారులు తెలిపారు. బోటు ఇంజిన్‌ను స్టార్ట్ చేసే సమయంలో గ్యాస్ లీక్ కావడం వల్లే ఈ పేలుడు జరిగి ఉండవచ్చని ప్రాథమికంగా భావిస్తున్నారు.

బోటు కెప్టెన్ తొందరపడి భద్రతా నిబంధనల ప్రకారం బ్లోయర్లను ఆన్ చేయకుండానే ఇంజిన్ స్టార్ట్ చేయడం వల్లే ఈ ప్రమాదం జరిగిందని ఒక ప్రత్యక్ష సాక్షి ఆరోపించారు. ప్రస్తుతం ఈ ఘటనపై ఫ్లోరిడా ఫిష్ అండ్ వైల్డ్‌లైఫ్ కన్జర్వేషన్ కమిషన్ ప్రధాన దర్యాప్తు సంస్థగా వ్యవహరిస్తుండగా.. యూఎస్ కోస్ట్ గార్డ్ కూడా సమాంతరంగా విచారణ జరుపుతోంది. పూర్తి దర్యాప్తు తర్వాతే పేలుడుకు కచ్చితమైన కారణాలు తెలుస్తాయని అధికారులు తెలిపారు.