American Woman | పెళ్లి చేసుకుంటానని నమ్మించి.. అమెరికా వృద్ధురాలిపై లైంగిక దాడికి పాల్పడిన వ్యక్తి

American Woman | పెళ్లి చేసుకుంటానని నమ్మించిన ఒక వ్యక్తి, అమెరికా వృద్ధురాలిపై లైంగిక దాడికి పాల్పడ్డాడు. బాధితురాలి ఫిర్యాదుతో ఆ వ్యక్తిని పోలీసులు అరెస్ట్‌ చేశారు. ఉత్తరప్రదేశ్‌లోని ఆగ్రాలో ఈ సంఘటన జరిగింది.

న్యూఢిల్లీ: పెళ్లి చేసుకుంటానని నమ్మించిన ఒక వ్యక్తి, అమెరికా వృద్ధురాలిపై లైంగిక దాడికి పాల్పడ్డాడు. బాధితురాలి ఫిర్యాదుతో ఆ వ్యక్తిని పోలీసులు అరెస్ట్‌ చేశారు. ఉత్తరప్రదేశ్‌లోని ఆగ్రాలో ఈ సంఘటన జరిగింది. అమెరికాకు చెందిన 62 ఏళ్ల మహిళ (American Woman) 2017లో తొలిసారి భారత్‌ సందర్శనకు వచ్చింది. ఆ సమయంలో ఆగ్రాకు చెందిన 32 ఏళ్ల గగన్‌దీప్ ఇంట్లో బస చేసింది. ఈ సందర్భంగా వారిద్దరి మధ్య పరిచయం పెరిగింది. దీంతో గత కొన్నేళ్లుగా ఆ మహిళ తరచుగా అమెరికా నుంచి భారత్‌కు వస్తున్నది. గగన్‌దీప్‌ ఆమెను పలు పర్యాటక ప్రాంతాలకు తీసుకెళ్లాడు. వారి మధ్య పరిచయం బలపడటంతో ఆమెను పెళ్లి చేసుకుంటానని నమ్మించాడు. పలుమార్లు ఆమెతో లైంగిక చర్యలో పాల్గొన్నాడు.

కాగా, గగన్‌దీప్‌ తనను మోసగించినట్లు అమెరికా మహిళ గ్రహించింది. అలాగే విషం ఇచ్చి తనను చంపేందుకు అతడు ప్రయత్నించినట్లు ఆమె ఆరోపించింది. ఈ మేరకు ఢిల్లీ పోలీసులకు ఫిర్యాదు చేసింది. దీంతో పోలీసులు దీనిపై దర్యాప్తు జరిపారు. అమెరికా మహిళ చేసిన ఆరోపణలు వాస్తమేనని తెలుసుకున్నారు. ఈ నేపథ్యంలో ఈ నెల 4న పలు సెక్షన్ల కింద కేసు నమోదు చేశారు. ఈ నెల 6న ఆగ్రాలో ఉన్న గగన్‌దీప్‌ను అరెస్ట్‌ చేశారు.