భోపాల్: బీజేపీ పాలిత మధ్యప్రదేశ్లో మరో బీజేపీ నేత రెచ్చిపోయాడు. స్నేహితుడితో కలిసి మాజీ జవాన్పై దాడి చేశాడు. మహిళపై దాడి చేసిన బీజేపీ నేత శ్రీకాంత్ త్యాగి ఘటన మరువక ముందే ఆ పార్టీ మరో నేత అదే తరహా దౌర్జన్యం, దాడికి పాల్పడ్డాడు. మధ్యప్రదేశ్లోని రేవాలో సోమవారం ఈ సంఘటన జరిగింది. మాజీ సైనికుడు దినేష్ మిశ్రా ఒక సెలూన్ షాపు నిర్వహిస్తున్నాడు. బీజేపీ యూత్ లీడర్ రితురాజ్ చతుర్వేది, తన స్నేహితుడితో కలిసి బలవంతంగా ఆ షాపులోకి వచ్చాడు. దినేష్ మిశ్రాను దారుణంగా కొట్టాడు. అక్కడి ఫర్నీచర్ను ధ్వంసం చేయడంతోపాటు లూఠీ చేశాడు.
ఈ సంఘటన అనంతరం బాధితుడైన దినేష్ మిశ్రా దీనిపై స్థానిక పోలీసులకు ఫిర్యాదు చేశారు. అయితే పోలీసులు పట్టించుకోలేదు. మరోవైపు ఆ షాపులోని సీసీటీవీలో రికార్డైన ఈ వీడియో సోషల్ మీడియాలో వైరల్ అయ్యింది. దీంతో పోలీసులు స్పందించారు. కేసు నమోదు చేసి దర్యాప్తు చేస్తున్నారు. పరారీలో ఉన్న నిందితుడిని అరెస్ట్ చేసేందుకు ప్రయత్నిస్తున్నట్లు పోలీస్ అధికారి తెలిపారు.
Gangism of BJP leaders..
👉 Yesterday Srikanth Tyagi
👉 Today BJP Yuva Morcha city President Rituraj Chaturvedi along with his colleagues beat up a retired soldier and robbed a saloon in Rewa, Madhya Pradesh today.#ShameOnBJP @KTRTRS pic.twitter.com/bDKms4WnEF— Jagan Patimeedi (@JAGANTRS) August 9, 2022