Cement Drum Murder Plan | సిమెంట్, బ్లూ డ్రమ్ము సిద్ధం చేశా.. నీదే ఆలస్యం.. మెసేజ్ చూసి భార్యను ప్రియుడి వద్దకు పంపిన భర్త!

Cement Drum Murder Plan | సిమెంట్, బ్లూ డ్రమ్ము సిద్ధం చేశా.. నీదే ఆలస్యమంటూ ప్రియుడికి ఓ భార్య పంపిన మెసేజ్ చేసి భర్త షాకింగ్ నిర్ణయం తీసుకున్నాడు. భార్య మెసేజ్‌తో భయపడిపోయి ఆమెను తన ప్రియుడితో పంపించేశాడు. యూపీలోని బులంద్‌షహర్‌లో జరిగిన ఈ ఘటన ఇప్పుడు చర్చనీయాంశంగా మారింది.

Cement Drum Murder Plan | సిమెంట్, బ్లూ డ్రమ్ము సిద్ధం చేశా.. నీదే ఆలస్యమంటూ ప్రియుడికి ఓ భార్య పంపిన మెసేజ్ చేసి భర్త షాకింగ్ నిర్ణయం తీసుకున్నాడు. పరువు కోసం పాకులాడి తన భార్యను ఇంట్లో ఉంచుకోవడం కంటే.. ప్రియుడితో పంపించి ప్రాణాలు కాపాడుకోవడం బెటర్ అనుకున్నాడు. వెంటనే భార్యను ఆమె ప్రియుడితో పంపించేశాడు. యూపీలోని బులంద్‌షహర్‌లో జరిగిన ఈ ఘటన ఇప్పుడు చర్చనీయాంశంగా మారింది.

వివరాల్లోకి వెళ్తే.. బులంద్‌షహర్‌లో నివాసం ఉంటున్న రాజ్‌కుమార్ అనే వ్యక్తికి కొన్నేళ్ల క్రితం ఓ మహిళతో వివాహమైంది. వారికి ఆరు నెలల కొడుకు ఉన్నాడు. అయినప్పటికీ సదరు మహిళ తన ప్రియుడితో రిలేషన్‌లో ఉండటాన్ని ఇటీవల రాజ్‌కుమార్ గుర్తించారు. తన ప్రియుడితో భార్య ఫోన్‌లో మాట్లాడుతుండటం గమనించి ఆమెను నిలదీశాడు. అప్పుడు భార్య తనకు ప్రియుడితో ఉండటమే ఇష్టమని.. అతనితో వెళ్లిపోతానని తెగేసిచెప్పింది.

ఈ క్రమంలోనే ఆగ్రహానికి లోనైన భర్త.. భార్య ఫోన్ లాక్కొని మొత్తం పరిశీలించారు. ఈ క్రమంలో ప్రియుడికి నగ్న ఫొటోలు పంపించినట్లు గుర్తించాడు. అంతేకాదు సిమెంట్, డ్రమ్ము సిద్ధం చేశా.. నీదే ఆలస్యమంటూ ప్రియుడికి పెట్టిన మెసేజ్ కూడా చూసి హడలిపోయాడు. వెంటనే పోలీసులను ఆశ్రయించాడు.

జరిగినదంతా తెలుసుకున్న పోలీసులు ఏం చేద్దామని అనుకుంటున్నావని రాజ్‌కుమార్‌నే ప్రశ్నించారు. అప్పుడు బయపడిపోయిన రాజ్‌కుమార్ తనకు ఇంకొన్ని రోజులు బతకాలని ఉందని సమాధానమిచ్చాడు. ఈమెతో కాపురం చేసి డ్రమ్ములో ముక్కలు ముక్కలుగా మారే బదులు.. ఆమెను ప్రియుడితో పంపించేయడమే మేలని తన ఆలోచనను వివరించాడు. ఈ మేరకు భార్యను ప్రియుడికి అప్పగించి, ప్రాణాలతో బయటపడ్డా బతుకుజీవుడా అంటూ పోలీస్ స్టేషన్ నుంచి వెళ్లిపోయాడు.