truck rams Durga idol procession | దుర్గా విగ్రహం ఊరేగింపుపైకి దూసుకెళ్లిన లారీ.. ముగ్గురు మృతి, పది మందికి గాయాలు

truck rams Durga idol procession | దసరా నవరాత్రుల నేపథ్యంలో దుర్గా దేవి విగ్రహాన్ని ఊరేగింపుగా తీసుకెళ్తున్న వారిపైకి ఒక లారీ దూసుకెళ్లింది. ఈ ప్రమాదంలో ముగ్గురు భక్తులు మరణించారు. మరో పది మంది తీవ్రంగా గాయపడ్డారు. వారిని ఆసుపత్రులకు తరలించి చికిత్స అందిస్తున్నారు.

బెంగళూరు: దసరా నవరాత్రుల నేపథ్యంలో దుర్గా దేవి విగ్రహాన్ని ఊరేగింపుగా తీసుకెళ్తున్న వారిపైకి ఒక లారీ దూసుకెళ్లింది. ఈ ప్రమాదంలో ముగ్గురు భక్తులు మరణించారు. మరో పది మంది తీవ్రంగా గాయపడ్డారు. వారిని ఆసుపత్రులకు తరలించి చికిత్స అందిస్తున్నారు. (truck rams Durga idol procession) కర్ణాటకలోని బెళగావి జిల్లాలో ఈ సంఘటన జరిగింది. బెళగావి నుంచి దుర్గా మాతా విగ్రహాంతో కొందరు భక్తులు ఊరేగింపుగా హుంచ్యనట్టి గ్రామానికి వాహనంలో తీసుకెళ్తున్నారు. ఆదివారం తెల్లవారుజామున హుక్కేరి తాలూకాలో ఉన్న హత్తరగి టోల్ ప్లాజా సమీపంలో ఒక లారీ వారిపైకి దూసుకెళ్లింది. ఈ ప్రమాదంలో ముగ్గురు వ్యక్తులు మరణించారు. మరో పది మంది గాయపడ్డారు.

కాగా, ఈ ప్రమాదం గురించి తెలిసిన వెంటనే పోలీసులు సంఘటనా స్థలానికి చేరుకున్నారు. స్థానికులతో కలిసి సహాయక చర్యలు చేపట్టారు. మృతులను ప్రకాష్, మహేష్, దనేశ్వరిగా గుర్తించారు. గాయపడిన వారిని బెళగావి ఇన్‌స్టిట్యూట్ ఆఫ్ మెడికల్ సైన్సెస్ (బిమ్స్)తో పాటు సమీపంలోని ప్రైవేట్ ఆసుపత్రులకు తరలించారు. గాయపడిన వారిలో నలుగురి పరిస్థితి విషమంగా ఉన్నదని పోలీస్‌ అధికారి తెలిపారు. ఈ సంఘటనపై కేసు నమోదు చేసి దర్యాప్తు చేస్తున్నట్లు వెల్లడించారు.