చంద్రుడిని ఢీ కొట్టనున్న గ్రహ శకలం!

తాజా అధ్యయనం ప్రకారం ఒక భారీ గ్రహ శకలం 2032 సంవత్సరంలో చంద్రుడిని ఢీ కొట్టే అవకాశం ఉన్నట్టు తెలిసింది. 2024 వైఆర్‌4 అనే పేరు గల ఈ ఆస్టరాయిడ్‌ కాంతిని భూమి నుంచి స్పష్టంగా చూడొచ్చు. దీన్ని డిసెంబర్‌ 27, 2024న కనుగొన్నారు.

న్యూఢిల్లీ, ఫిబ్రవరి 8 : తాజా అధ్యయనం ప్రకారం ఒక భారీ గ్రహ శకలం 2032 సంవత్సరంలో చంద్రుడిని ఢీ కొట్టే అవకాశం ఉన్నట్టు తెలిసింది. 2024 వైఆర్‌4 అనే పేరు గల ఈ ఆస్టరాయిడ్‌ కాంతిని భూమి నుంచి స్పష్టంగా చూడొచ్చు. దీన్ని డిసెంబర్‌ 27, 2024న కనుగొన్నారు. మొదట ఇది భూమిని ఢీ కొట్టొచ్చని భయపడ్డారు. అయితే తాజా లెక్కల ప్రకారం ఇది చంద్రుడిని ఢీ కొట్టవచ్చు.

డిసెంబర్‌ 22, 2032న ఇది చంద్రుడికి చాలా దగ్గరగా వెళ్లినప్పుడు చంద్రుడిని ఢీ కొట్టే అవకాశం 4.3 శాతం మేరకు ఉంది. ఇదే జరిగితే చిన్నపాటి అణు శక్తి విస్ఫోటనం జరిగినప్పుడు వెలువడేంత శక్తి వెలువడొచ్చు. దీని వల్ల చంద్రుడిపై కాంతివంతమైన మెరుపు ఏర్పడుతుంది. దీన్ని భూమి నుంచి సాధారణ టెలి స్కోప్‌తో వీక్షించవచ్చు.