Visit:
హాలియా, జూలై 17: ఆమె అభం శుభం తెలియని చిన్నారి. తల్లి లేదు. చదువు సంద్య రాదు. మేకలను కాస్తూ తండ్రికి చేదోడువాదోడుగా ఉంటూ జీవనం సాగిస్తున్న ఆ బాలికపై అదే గ్రామానికి చెందిన ఇద్దరు యువకుల కన్ను పండింది. ఇంకేముందు మాయమాటలు చెప్పి నయాన్నో భయాన్నో ఆ బాలకను లోబర్చుకున్నారు. ఎనిమిది నెలలుగా ఆ బాలికపై లైంగిక దాడి చేశారు. ఆ కామాంధులు చేసిన పాపానికి బాలిక ఆరు నెలల గర్భవతి అయ్యింది.
సభ్యసమాజం తలదించుకునే ఈ అమానవీయ సంఘటన శుక్రవారం అనుముల మండలం కుపాసిపల్లి గ్రామంలో ఆసల్యంగా వెలుగులోనికి వచ్చింది. నల్లగొండ జిల్లా అనుముల మండలం కుపాసిపల్లి గ్రామంలో అభం శుభం తెలియని చిన్నారిపై అదే గ్రామానికి చెందిన ఇద్దరు యువకులు ఎనిమిది నెలలుగా లైంగిక దాడి చేశారు. మగాళ్ల రూపంలో ఉన్న ఇద్దరు మృగాలు చేసిన అఘాయిత్యానికి ఆ బాలిక ఆరు నెలల గర్భవతి అయ్యింది.
విషయం బయటకు పొక్కడంతో గ్రామంలో పంచాయితీ పెట్టారు. తప్పు నాది కాదంటే నాది కాదంటూ ఆదిమల్ల అజయ్, బండారు అఖిల్ తప్పించుకునే ప్రయత్నం చేశారు. విషయం ఆనోటా ఈనోటా బయటకు పోక్కడంతో మీడియాకు తెలిసింది. ఇంకేముంది సోషల్ మీడియాలో విషయం చక్కర్లు కొట్టడంతో పోలీసులు రంగప్రవేశం చేశారు. ఈ సంఘటనలో ఆదిమల్ల అజయ్, బంగారు అఖిల్తో పాటు రాములమ్మను నేరస్తులుగా గుర్తించి వారిపై పోక్సో చట్టం కింద కేసు నమోదు చేసి దర్యాప్తు చేస్తున్నామని హాలియా ఎస్ఐ సాయి ప్రశాంత్ తెలిపారు.
