Kodada Rural : సర్పంచ్ ఎన్నికల్లో పోటీ చేసేందుకు ఎస్ఐ ఉద్యోగానికి రాజీనామా

రాష్ట్రంలో స్థానిక సంస్థ‌ల ఎన్నిక‌ల కోలాహ‌లం కొన‌సాగుతుంది. సర్పంచ్ ఎన్నికల్లో పోటీ చేసేందుకు ఓ స‌బ్ ఇన్‌స్పెక్ట‌ర్ త‌న ఉద్యోగానికి రాజీనామా చేశాడు. కోదాడ టౌన్ ఎస్ఐగా విధులు నిర్వ‌హిస్తున్న పులి వెంక‌టేశ్వ‌ర్లు త‌న ఉద్యోగానికి రాజీనామా స‌మ‌ర్పించారు.

కోదాడ రూర‌ల్‌, న‌వంబ‌ర్ 29 : రాష్ట్రంలో స్థానిక సంస్థ‌ల ఎన్నిక‌ల కోలాహ‌లం కొన‌సాగుతుంది. సర్పంచ్ ఎన్నికల్లో పోటీ చేసేందుకు ఓ స‌బ్ ఇన్‌స్పెక్ట‌ర్ త‌న ఉద్యోగానికి రాజీనామా చేశాడు. కోదాడ టౌన్ ఎస్ఐగా విధులు నిర్వ‌హిస్తున్న పులి వెంక‌టేశ్వ‌ర్లు త‌న ఉద్యోగానికి రాజీనామా స‌మ‌ర్పించారు. స్వ‌స్థ‌లం కోదాడ మండ‌లం గుడిబండ గ్రామ స‌ర్పంచ్ అభ్య‌ర్థిగా పోటీ చేసేందుకు ఆయన స్వ‌చ్ఛంద ప‌ద‌వి విర‌మ‌ణ చేశారు. పుట్టిన ఊరికి సేవ చేయ‌డ‌మే ల‌క్ష్యంగా ఇంకా 5 నెల‌ల స‌ర్వీస్ ఉండ‌గానే వీఆర్ఎస్ తీసుకున్న‌ట్లు వెల్ల‌డించారు. మేజ‌ర్ గ్రామ పంచాయ‌తీ అయిన గుడిబండ‌లో మొత్తం జ‌నాభా 4,486. ఓట‌ర్లు 3,813. వార్డులు 12. ఆదివారం నుండి నామినేష‌న్ల స్వీక‌ర‌ణ ప్ర‌క్రియ కొన‌సాగనుంది.