రుద్ర వాణి గాయత్రికి ఎంజీయూ డాక్టరేట్

నల్లగొండ జిల్లా చండూరుకు చెందిన రుద్ర వాణి గాయత్రి మహాత్మాగాంధీ విశ్వవిద్యాలయం నుండి డాక్ట‌రేట్ అందుకున్నారు. వ‌ర్సిటీ మేనేజ్‌మెంట్‌ విభాగం అసోసియేట్ ప్రొఫెసర్‌ డా.సూరం శ్వేత పర్యవేక్షణలో పీహెచ్‌డీ పూర్తి చేశారు. ‘తెలంగాణ రాష్ట్రంలోని ఎంపిక చేసిన ఉన్నత విద్యాసంస్థల ఉద్యోగుల...

రామగిరి, అక్టోబర్ 24 : నల్లగొండ జిల్లా చండూరుకు చెందిన రుద్ర వాణి గాయత్రి మహాత్మాగాంధీ విశ్వవిద్యాలయం నుండి డాక్ట‌రేట్ అందుకున్నారు. వ‌ర్సిటీ మేనేజ్‌మెంట్‌ విభాగం అసోసియేట్ ప్రొఫెసర్‌ డా.సూరం శ్వేత పర్యవేక్షణలో పీహెచ్‌డీ పూర్తి చేశారు. ‘తెలంగాణ రాష్ట్రంలోని ఎంపిక చేసిన ఉన్నత విద్యాసంస్థల ఉద్యోగుల భావోద్వేగ ప్రజ్ఞ, ఒత్తిడి నిర్వహణ పద్ధతులు’ అనే అంశంపై ఆమె చేసిన పరిశోధనకు డాక్ట‌రేట్ ల‌భించింది.

ప్రతిష్టాత్మక జర్నళ్లలో ప్రచురణ.. ఐసీఎస్‌ఎస్‌ఆర్‌ ఫెలోషిప్‌

వాణి గాయత్రి చేపట్టిన పరిశోధన పట్ల విద్యావర్గాల నుండి ప్రశంసలు వెల్లువెత్తాయి. ఈ పరిశోధన ఆధారంగా ఆమె రూపొందించిన ఆరు పరిశోధనా పత్రాలు ప్రపంచవ్యాప్తంగా ప్రతిష్టాత్మకమైన ‘స్కోపస్’ (Scopus), ‘వెబ్ ఆఫ్ సైన్స్’ (Web of Science) జర్నళ్లలో ప్రచురితమయ్యాయి. అంతేకాకుండా, ఈ పరిశోధన కోసం ఆమెకు ప్రతిష్టాత్మకమైన ‘భారతీయ సామాజిక శాస్త్ర పరిశోధన మండలి’ (ICSSR) డాక్టోరల్ ఫెలోషిప్ లభించడం విశేషం.