కామారెడ్డి జిల్లా ప్రశస్తి

పాయకసఖ్యతన్‌ విపులభారతసంసృజనమ్మునందు, నా రాయణభట్టు నన్నయకు రంజిలు సాయమొనర్చెనన్నచో దాయనికీర్తి వాజ్మయపదమ్మగు ‘వాణసవాటి’గాదె? నే డాయపురూపకీర్తి గననయ్యెడు విశ్రుతకామరాట్పురిన్‌ !

పాయకసఖ్యతన్‌ విపులభారతసంసృజనమ్మునందు, నా
రాయణభట్టు నన్నయకు రంజిలు సాయమొనర్చెనన్నచో
దాయనికీర్తి వాజ్మయపదమ్మగు ‘వాణసవాటి’గాదె? నే
డాయపురూపకీర్తి గననయ్యెడు విశ్రుతకామరాట్పురిన్‌ !

అలరెను దోమకొండ, కవితామృతముల్‌ చిలికించు సత్కవుల్‌
వెలసిన వెండికొండ, వరవేదికపై కవిరాజు నిల్వగా
చెలగిన పైడికొండ, సువశీకృత సంస్కృతవాజ్మయమ్ముతో
నిలిచిన రాచకొండ, కమనీయచరిత్రకు మేటి కొండయౌ !

బిక్కనవోలు పున్నెములు విచ్చినచోటయి సిద్ధరాముడే
దిక్కుగనున్న దేవళము, తీర్చిన పండితపాళికాదృతిన్‌
మక్కువగొల్పగా నిలుపు మంగళధామము రాజధానియై
మ్రొక్కినవారికెల్లరికి పుణ్యములిచ్చుచునుండునెప్పుడున్‌ !

రథముల వైభవమ్మునకు రాజితధామము రామరెడ్డిలో
ప్రథితములైన రామశివ భైరవులాదిగ నెందరెందరో
కథలను నిండు దేవతలు కావ్యములల్లిన సత్కవీశ్వరుల్‌
శ్లథమది లేని కీర్తి, గొను జాతరలన్‌ వెలుగొందు నెప్పుడున్‌ !

కోటలకు రాటుదేలిన కూర్మి నింపి
మేటిచరితకు నిలయమై మంచి వెలుగు
కామరాట్టు రనామక కల్పవల్లి
జనులదీవించుచుండు ధరామతల్లి !

-డా.అయాచితం నటేశ్వరశర్మ
94404 68557