ఆవిష్కృతి

ఆమె ఉనికి కోసం మనుగడ కోసం కళ్లెం వేసి నియంత్రించిన కట్టుబాట్ల బంధనాలను తెంచుకొని తనను తాను ప్రతినిత్యం

ఆమె ఉనికి కోసం
మనుగడ కోసం
కళ్లెం వేసి నియంత్రించిన
కట్టుబాట్ల బంధనాలను
తెంచుకొని
తనను తాను ప్రతినిత్యం

చెక్కుకుంటూనే ఉంది
రెప్పల చాటున
దాగిన స్వప్నాల్ని
సహకారం చేసుకుంటూ
దిగంతాలను ఆవహించిన
శూన్యాన్ని ఛేదిస్తూ
ఖగోళ విస్ఫోటనమై
ప్రకంపిస్తూ
గగనతలానికి బాటలు వేసింది

ఆశయమే ఆలంబనగా
ఆలోచన సాగరమై
ప్రగతి రథ పగ్గాలు
చేతబూని
విజయ బావుటా ఎగురవేసింది
ఆటుపోటుల అగ్ని పరీక్షల
సాములో పునీతమై
అన్నిరంగాల్లో అభినివేశమై
ఆకాశమంతా తానై
తనను తాను సరికొత్తగా
ఆవిష్కరించుకుంటుంది!

– నెల్లుట్ల సునీత 79894 60657