మహిళల భద్రతకు ఎన్నిరకాల యాప్లు, పరికరాలను కనిపెట్టినప్పటికీ దేశవ్యాప్తంగా దారుణాలు జరుగుతూనే ఉన్నాయి. ఒంటరిగా ప్రయాణిస్తున్న మహిళలకు భద్రత కల్పించేందుకు అందుబాటులోకి వచ్చిన మరో అప్లికేషన్ ఐవాచ్ (eyewatch) SOS. ఈ అప్లికేషన్ మొబైల్ ఫోన్ను రక్షక కవచంగా మారుస్తుంది. అపాయం ఎదురైనప్పుడు, ఎవరైనా దుండగులు వెంటపడినప్పుడు ఈ అప్లికేషన్ను ట్యాప్ చేస్తే చాలు అందులో నమోదు చేసి ఉంచిన నెంబర్లకు అలర్ట్ వెళ్తుంది. దీనిద్వారా లొకేషన్ ట్రాకింగ్ చేయవచ్చు.
ఈ అప్లికేషన్లో మహిళలు గరిష్ఠంగా 10 కాంటాక్ట్స్ ఎంచుకుని స్పీడ్ డయల్ నెంబర్లుగా పెట్టుకోవచ్చు. దీనిని ట్యాప్ చేయగానే ఆయా వ్యక్తుల ఫోన్లకు SOS అలర్ట్ వెళ్తుంది. ఈ అప్లికేషన్ పని చేయడానికి జీపీఎస్ అవసరం లేదు. నెట్వర్క్ లేని ప్రాంతాల్లో కూడా ఈ అప్లికేషన్ పనిచేస్తుంది. చదువుకునే అమ్మాయిలు, ఉద్యోగాలు చేసే మహిళలతోపాటు ఒంటరిగా ప్రయాణించేవారికి కూడా ఈ ఐవాచ్ SOS రక్షణ కల్పిస్తుంది.