చౌమహల్లా సారీలో దీపిక!

ప్రస్తుతం దేశవ్యాప్తంగా ట్రెండింగ్‌లో ఉన్న టాపిక్‌ అనంత్‌ అంబానీ, రాధికా మర్చంట్‌ వివాహ వేడుక. అంగరంగ వైభవంగా జరుగుతున్న ఈ వేడుకకు అనేకమంది ప్రముఖులు, బాలీవుడ్‌ తారలు హాజరవుతున్నారు.

ప్రస్తుతం దేశవ్యాప్తంగా ట్రెండింగ్‌లో ఉన్న టాపిక్‌ అనంత్‌ అంబానీ, రాధికా మర్చంట్‌ వివాహ వేడుక. అంగరంగ వైభవంగా జరుగుతున్న ఈ వేడుకకు అనేకమంది ప్రముఖులు, బాలీవుడ్‌ తారలు హాజరవుతున్నారు. అంబానీల స్థాయికి తగినట్లే ప్రతి కార్యక్రమాన్ని ఘనంగా నిర్వహిస్తున్నారు. నీతా అంబానీ, ఇషా అంబానీ, శ్లోకా మెహతాతో పాటు ఈ పెండ్లి వేడుకలకు హాజరవుతున్న తారలందరు ధరిస్తున్న దుస్తులు, ఆభరణాలు ప్రత్యేక ఆకర్షణగా నిలుస్తున్నాయి.

ఈ క్రమంలో దీపికా పదుకొణె ధరించిన పర్పుల్‌ చీర వార్తల్లో నిలిచింది. తొరానీ సంస్థ రూపొందించిన ఈ చీర తయారీకి ఏకంగా 3,400 గంటల సమయం పట్టిందట. అంతేకాదు హైదరాబాద్‌లోని చౌమహల్లా ప్యాలెస్‌, కరాచీలోని చౌఖండీ టూంబ్స్‌ వాస్తుకళను స్ఫూర్తిగా తీసుకుని ఈ చీరను తయారు చేశారట. ముచ్చటైన ఎంబ్రాయిడరీతో ముస్తాబు చేసిన సారీపై ముత్యాలు, డోరీలు పొదిగారు. జరీ వర్క్‌ మేళవింపుతో రూపొందించిన చీర కట్టుకున్న దీపిక దానిపైకి డీప్‌ నెక్‌ లైన్‌, హాఫ్‌ లెంగ్త్‌ స్లీవ్స్‌ బ్లౌజ్‌ ధరించి అదరహో అనిపించింది. తొమ్మిది గజాల చీరకట్టులో బేబీబంప్‌తో మరింత అందంగా మెరిసిపోయింది.