Black Tea | బ్లాక్‌ టీతో అదుపులో బీపీ!

టీ, కాఫీ, మద్యం గురించి నిరంతరం పరిశోధనలు కొనసాగుతూనే ఉంటాయి. టీ వేడి అని కొందరి మాట. ఏకాక్షరి తాగితే బుర్రకు పట్టిన బూజు వదులుతుందని మరికొందరి ముక్తాయింపు! ఈ చర్చలు ఎప్పుడూ ఉండేవే!! అయితే చాయ్‌లోని ఔషధ గుణాలు పూర్తిగా అందాలంటే, టీలో పాలు కలపకూడదనే సూత్రం ప్రచారంలో ఉంది.

Black Tea | టీ, కాఫీ, మద్యం గురించి నిరంతరం పరిశోధనలు కొనసాగుతూనే ఉంటాయి. టీ వేడి అని కొందరి మాట. ఏకాక్షరి తాగితే బుర్రకు పట్టిన బూజు వదులుతుందని మరికొందరి ముక్తాయింపు! ఈ చర్చలు ఎప్పుడూ ఉండేవే!! అయితే చాయ్‌లోని ఔషధ గుణాలు పూర్తిగా అందాలంటే, టీలో పాలు కలపకూడదనే సూత్రం ప్రచారంలో ఉంది. తాజాగా, బ్లాక్‌ టీ వల్ల మరో లాభం కూడా ఉందంటున్నారు కాలిఫోర్నియా విశ్వవిద్యాలయంలోని పరిశోధకులు.

వీరిచ్చిన నివేదిక ప్రకారం బ్లాక్‌ టీ, గ్రీన్‌ టీ లో ‘కెటషిన్స్‌’ అనే పదార్థాలు ఉంటాయి. ఇవి రక్తనాళాలకు ఉపశమనం కలిగిస్తాయట. దానివల్ల రక్తపోటు అదుపులో ఉంటుందని చెబుతున్నారు. అయితే ఎప్పటిలాగే ‘పరిమితంగా తీసుకుంటేనే సుమా!’ అని షరతు పెట్టడం కొసమెరుపు.